പുതുപ്പള്ളി നിയോജക മണ്ഡലം യുവജന കേന്ദ്രവും യുവതി ക്ലബ്ബിന്റെയും ആഭിമുഖ്യത്തിൽ വനിതാ ദിനാചരണം നടത്തി
സ്വന്തം ലേഖിക
കോട്ടയം: പുതുപ്പള്ളി നിയോജക മണ്ഡലം യുവജന കേന്ദ്രവും യുവതി ക്ലബ്ബിന്റെ ആഭിമുഖ്യത്തിൽ വനിതാ ദിനാചരണം നടത്തി.
ദിനാചരണം കോട്ടയം ജില്ലാ പഞ്ചായത്ത് അംഗം പി ആർ അനുപമ ഉദ്ഘാടനം ചെയ്തു. യുവതി ക്ലബ് ജില്ലാ കോഡിനേറ്റർ ബിന്ദു അജി അധ്യക്ഷത വഹിച്ചു.
Whatsapp Group 1 | Whatsapp Group 2 |Telegram Group
യുവജന കേന്ദ്രം പുതുപ്പള്ളി യൂത്ത് കോഡിനേറ്റർ ജിനു ജോൺ സ്വാഗതം ആശംസിച്ചു. വിവിധ മേഖലകളിൽ പ്രവർത്തിക്കുന്ന വിശിഷ്ട വനിതകളെ അനുമോദിച്ചു.
സ്വാതന്ത്ര്യത്തിന്റെ 75 വർഷവും സ്ത്രീ സമൂഹം എന്ന വിഷയത്തിൽ വീണ എൻ കുറുപ്പ് സെമിനാർ അവതരിപ്പിച്ചു. യുദ്ധവിരുദ്ധ പ്രതിജ്ഞ യുവതി ക്ലബ്ബ് ജോ. സെക്രട്ടറി അലീന സിബി ചൊല്ലിക്കൊടുത്തു.
പ്രതീകാത്മകമായി വിദ്യാർഥികൾ ബലൂണുകൾ ആകാശത്തേക്ക് ഉയർത്തി. പുതുപ്പള്ളി ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ വത്സമ്മ മാണി, ഗ്രാമപഞ്ചായത്ത് വികസന സമിതി അംഗം എം ജി നൈനാൻ എന്നിവർ ആശംസ അറിയിച്ചു സംസാരിച്ചു. യോഗത്തിനു നന്ദി ആശംസിച്ചുകൊണ്ട് യുവതി ക്ലബ് പ്രസിഡന്റ് ബിജിമോൾ മാർക്കോസ് സംസാരിച്ചു.
