കോളജിലേക്ക് പോകുംവഴി കാര്‍ ബൈക്കിലിടിച്ച്‌ എന്‍ജിനീയറിങ് വിദ്യാര്‍ഥി മരിച്ചു
സ്വന്തം ലേഖിക
കിളികൊല്ലൂര്‍: കരിക്കോട്ട് കാര്‍ ബൈക്കിലിടിച്ച്‌ കോളജ് വിദ്യാര്‍ഥി മരിച്ചു. പെരുമണ്‍ എന്‍ജിനീയറിങ് കോളജിലെ മൂന്നാം വര്‍ഷ മെക്കാനിക്കല്‍ എന്‍ജിനീയറിങ് വിദ്യാര്‍ഥി കുറ്റിച്ചിറ പുത്തന്‍വിള വീട്ടില്‍ ഉമറുല്‍ ഫാറൂഖ് (20) ആണ് മരിച്ചത്.
തിങ്കളാഴ്ച രാവിലെ കോളജിലേക്ക് പോകുംവഴി കരിക്കോട് പഴയ ബസ് സ്റ്റാന്‍ഡിന് സമീപം കൊല്ലത്തേക്ക് പോകുകയായിരുന്ന കാര്‍ ഇടിക്കുകയായിരുന്നു. റോഡില്‍ തെറിച്ചുവീണ ഫാറൂഖിന് തലക്ക് ഗുരുതര പരിക്കേറ്റു. നാട്ടുകാര്‍ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു.
മൃതദേഹം പോസ്റ്റ്മോര്‍ട്ടം നടത്തി ജില്ല ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. വിദേശത്തുള്ള പിതാവ് ചൊവാഴ്ച നാട്ടിലെത്തിയശേഷം സിയറത്തുംമൂട് ജുമാമസ്ജിദ് ഖബര്‍സ്ഥാനില്‍ ഖബറടക്കും. കിളികൊല്ലൂര്‍ പൊലീസ് കേസെടുത്തു.
പിതാവ്: ജലാലുദ്ദീന്‍. മാതാവ്: ഷാനി. സഹോദരി: ഹാജിറ.
Whatsapp Group 1 | Whatsapp Group 2 |Telegram Group
