നവവധു കിടപ്പു മുറിയിലെ ജനല്‍ കമ്പിയിൽ തൂങ്ങിമരിച്ച നിലയില്‍ ; പത്തൊൻപത് കാരിയായ യുവതിയെ കഴിഞ്ഞ ദിവസം ഭർതൃഗൃഹത്തിലാണ് മരിച്ച നിലയിൽ കണ്ടെത്തിയത്

സ്വന്തം ലേഖിക
കണ്ണൂർ :പേരാവൂരില്‍ രണ്ടു മാസംമുന്‍പ് വിവാഹിതയായ യുവതിയെ തൂങ്ങിമരിച്ച നിലയില്‍ കണ്ടെത്തി. മട്ടന്നൂര്‍ ചിറക്കാടി സ്വദേശി രാജീവന്‍- വിജിത ദമ്പതികളുടെ മകള്‍ സയനോരയെയാണ് (19) കഴിഞ്ഞ ദിവസം തൂങ്ങിമരിച്ച നിലയില്‍ കണ്ടെത്തിയത്.

കഴിഞ്ഞ ദിവസം ഭര്‍ത്താവ് സുധീഷിന്റെ വീടായ വേമ്പാടിത്തട്ടിലെ വീട്ടിലെ കിടപ്പുമുറിയിലെ ജനല്‍ കമ്പിയിലാണ് യുവതിയെ തൂങ്ങിമരിച്ച നിലയില്‍ കണ്ടെത്തിയത്.

ഞായറാഴ്‌ച്ച രാത്രി പത്തുമണയോടെയാണ് സംഭവം. രണ്ടുമാസംമുന്‍പാണ് ഇവരുടെ വിവാഹം നടന്നത്.ആര്‍.ഡി.ഒയുടെ സാന്നിധ്യത്തില്‍ മാലൂര്‍ പൊലിസ് ഇന്‍ക്വസ്റ്റ് നടത്തി.