കുതിരാന്‍ തുരങ്കത്തിലെ ലൈറ്റുകള്‍ ടിപ്പർ‍ ലോറി ഇടിച്ചു തകര്‍ന്നു; പത്തുലക്ഷം രൂപയുടെ നഷ്ടം

സ്വന്തം ലേഖകൻ

തൃശൂർ: കുതിരാന്‍ തുരങ്കത്തിലെ ലൈറ്റുകള്‍ ടിപ്പർ‍ ലോറി ഇടിച്ചു തകര്‍ന്നു. തുരങ്കത്തിലെ 104 ലൈറ്റുകളും ക്യാമറയുമാണ് തകര്‍ന്നത്. ടിപ്പര്‍ ലോറിയുടെ പിന്‍ഭാഗം ഉയര്‍ത്തി വാഹനമോടിച്ചതാണ് കാരണം.

ലോറി നിര്‍ത്താതെ ഓടിച്ചു പോയി. ലോറിക്കായി പൊലീസ് അന്വേഷണം തുടങ്ങി.

പാലക്കാട്– തൃശൂര്‍ തുരങ്കത്തിന്റെ ആദ്യഭാഗത്താണ് ലൈറ്റുകള്‍ തകര്‍ന്നത്. പത്തുലക്ഷം രൂപയുടെ നഷ്ടം കണക്കാക്കുന്നു.