സ്വന്തം ലേഖകൻ
മലപ്പുറം: പരീക്ഷ കഴിഞ്ഞു മാതാവിനോടൊപ്പം സ്കൂട്ടറില് വീട്ടിലേക്ക് മടങ്ങുകയായിരുന്ന നാലാം ക്ലാസ് വിദ്യാര്ഥിനി പിക്കപ്പ് വാന് ഇടിച്ചു മരിച്ചു.
ഗുരുവായൂര് മമ്മിയൂര് മുസല്യം വീട്ടില് റഹീമിന്റെ മകള് ഹയയാണ് ആണ് മാതാവ് സുനീറയോടൊപ്പം യാത്രചെയ്യുന്നതിനിടെ അപകടത്തില് മരിച്ചത്.
Whatsapp Group 1 | Whatsapp Group 2 |Telegram Group
തൃശൂരില്നിന്ന് ചങ്ങരംകുളത്തെ ബാങ്കിലേക്ക് പണവുമായി പോകുകയായിരുന്ന പിക്കപ്പ് വാന് സ്കൂട്ടറിനു പിന്നില് ഇടിക്കുകയായിരുന്നു. തൃശൂര്കുറ്റിപ്പുറം സംസ്ഥാന പാതയില് ചങ്ങരംകുളം പാവിട്ടപ്പുറത്തായിരുന്നു അപകടം.
റോഡിലേക്ക് തെറിച്ചു വീണ ഇരുവരെയും നാട്ടുകാര് ചങ്ങരംകുളത്തെ സ്വകാര്യ ആശുപത്രിയില് എത്തിച്ചെങ്കിലും ഹയയെ രക്ഷിക്കാനായില്ല.
സുനീറ പരുക്കുകളോടെ ആശുപത്രിയില് ചികിത്സയിലാണ്. പെരുമ്പിലാവ് അന്സാര് സ്കൂളിലെ നാലാം ക്ലാസ് വിദ്യാര്ഥിയാണ് ഹയ.
സ്വകാര്യ ആശുപത്രിയില് സൂക്ഷിച്ച മൃതദേഹം പൊലീസ് നടപടികള് പൂര്ത്തിയാക്കി പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
