കോട്ടയം മണിമല പള്ളിപ്പടിയിൽ കാറും സ്കൂട്ടറും കൂട്ടിയിടിച്ചു; സ്കൂട്ടർ യാത്രികന് തലയ്ക്ക് പരിക്ക്‌

സ്വന്തം ലേഖകൻ

മണിമല: കരിമ്പനക്കുളം പള്ളിപടിയിൽ കാറും സ്കൂട്ടറും കൂട്ടിയിടിച്ച് അപകടത്തിൽ സ്കൂട്ടർ യാത്രികന് പരുക്ക്.

അപകടത്തിൽ പരിക്കേറ്റ സ്കൂട്ടർ യാത്രികൻ കൂവക്കുന്നേൽ ജോർജിൻ്റെ തലയ്ക്ക് പരിക്കേറ്റു.

ഇന്ന് രാവിലെ 8.30 ഓടെ പുനലൂർ – മൂവാറ്റുപുഴ സംസ്ഥാന പാതയിലാണ് അപകടം നടന്നത്. കാറുകാരൻ അശ്രദ്ധയോടെ വാഹനം ഓടിച്ചതാകാം അപകടത്തിന് കാരണമെന്നാണ് പ്രാഥമിക നിഗമനം.

പള്ളിപ്പടിക്ക് സമീപം ജോർജ് സ്കൂട്ടർ തിരിക്കുമ്പോൾ കാർ റോങ് സൈഡിൽ വന്ന് ഇടിക്കുകയായിരുന്നു.

പെരുന്നാട് സ്വദേശി അഖിൽ വിജയൻ ഓടിച്ചിരുന്ന കാറാണ് അപകടത്തിൽ പെട്ടത്. അപകടം കണ്ട് ഓടിക്കൂടിയ നാട്ടുകാർ ചേർന്ന് ജോർജിനെ ആശുപത്രിയിൽ പ്രവേശിപ്പിച്ചു.

മണിമല പോലീസ് സസ്ഥലത്തെത്തി തുടർ നടപടികൾ സ്വീകരിച്ചു.