വിവാഹവാഗ്‌ദാനം നല്‍കി യുവതിയെ വിവിധയിടങ്ങളില്‍ കൊണ്ടുപോയി പീഡിപ്പിച്ചു; ഒളിവില്‍ പോയ യുവാവ്‌ വാകത്താനത്ത് നിന്നും പോലീസ് പിടിയിൽ

സ്വന്തം ലേഖകൻ

പാലാ: വിവാഹവാഗ്‌ദാനം നല്‍കി യുവതിയെ വിവിധയിടങ്ങളില്‍ കൊണ്ടുപോയി പീഡിപ്പിച്ചശേഷം ഒളിവില്‍ പോയ യുവാവ്‌ അറസ്‌റ്റില്‍.

തിരുവല്ല ഓതറ പാറക്കുളത്തില്‍ സുനില്‍കുമാറാ(41)ണ്‌ കിടങ്ങൂര്‍ പോലീസിന്റെ പിടിയിലായത്‌.

തിരുവല്ല സ്വദേശിയായ യുവതിയെ തിരുവല്ല, വാകത്താനം, കൂടല്ലൂര്‍ എന്നീ സ്‌ഥലങ്ങളില്‍ വാടകയ്‌ക്കു വീടെടുത്താണ്‌ പ്രതി പീഡിപ്പിച്ചതെന്നു പോലീസ്‌ പറഞ്ഞു.

യുവതിയുടെ പരാതിപ്രകാരം കേസെടുത്ത പോലീസ്‌, പ്രതി ഒളിവില്‍ കഴിഞ്ഞിരുന്ന വാകത്താനത്തെ വാടകമുറിയില്‍നിന്നാണ്‌ പിടികൂടിയത്‌.