മണർകാട്ടെ വീട്ടിൽ പൊലീസിന്റെ പരിശോധന: നിരോധിത പുകയില ഉത്പന്നങ്ങൾ പിടികൂടി

തേർഡ് ഐ ബ്യൂറോ

മണർകാട് : വിജയപുരം പ്രദേശത്ത് മണർകാട് പൊലീസ് നടത്തിയ പരിശോധനയിൽ നിരോധിത പുകയില ഉത്പന്നങ്ങൾ പിടിച്ചെടുത്തു.

വിജയപുരം വില്ലേജ് പാറമ്പുഴ പി.ഒ-യിൽ കാർത്തിക വീട്ടിൽ വാടകയ്ക്ക് താമസിച്ചു വരുന്ന സുകുമാരൻ നായർ മകൻ സനലിന്റെ(42) വീട്ടിലാണ് പരിശോധന നടത്തി നിരോധിത പുകയില ഉത്പന്നങ്ങൾ പിടിച്ചെടുത്തത്.

പ്രതിയുടെ വീട്ടിൽ നിരോധിത പുകയില ഉത്പന്നങ്ങൾ സൂക്ഷിച്ചിരിക്കുന്നതായി രഹസ്യ വിവരം ലഭിച്ചിരുന്നു. ഇതേ തുടർന്നു ജില്ലാ പൊലീസ് മേധാവിയുടെ നിർദ്ദേശ പ്രകാരം ഡെൻസാഫ് സംഘവും മണർകാട് പൊലീസും ചേർന്ന് പ്രദേശത്ത് സംയുക്തമായി പരിശോധന നടത്തുകയായിരുന്നു.

തുടർന്നു, നടത്തിയ റെയ്ഡിൽ 675 പാക്കറ്റ് ഹാൻസ് ഒരു ചാക്കിൽ പൊതിഞ്ഞ നിലയിൽ ടിയാളുടെ വീട്ടിൽ നിന്നും കണ്ടെടുത്തി.