മണിയാപറമ്പിലെ കോൺഗ്രസ് കുടുംബം വാസവനൊപ്പം

സ്വന്തം ലേഖകൻ

ഏറ്റുമാനൂർ : ഇടതുപക്ഷ സർക്കാരിൻ്റെ ക്ഷേമ പ്രവർത്തനങ്ങളിൽ കഴമ്പുണ്ടെന്നു കണ്ട് ദീർഘകാല കോൺഗ്രസ് കുടുംബം ഇടതുപക്ഷത്തേക്ക് ചേർന്നു. മണിയാപറമ്പ് മംഗലശ്ശേരി വീട്ടിൽ നടന്ന കുടുംബ സംഗമത്തിൽ ദീർഘകാല കോൺഗ്രസ് പ്രവർത്തകരായ എം ഇ ബേബി ഭാര്യ ടെൻസി, മണിയപറമ്പ് സ്വദേശി ജോസ് ചാലാശേരി എന്നിവരെ എൽഡിഎഫ് സ്ഥാനാർഥി വി എൻ വാസവൻ രക്ത ഹാരം അണിയിച്ച് സ്വീകരിച്ചു.

ബുധനാഴ്ച നടന്ന സ്ഥാനാർഥി പ്രചരണം മണിയപാറമ്പ് ഭാഗത്തെത്തിയപ്പോഴാരുന്നു കുടുംബ സംഗമത്തിൽ പങ്കെടുത്ത്. ” സാധാരണക്കാർക്ക് വേണ്ടി ഇടതു സർക്കാർ ചെയ്യുന്ന ക്ഷേമ പ്രവർത്തനങ്ങൾ മറ്റൊരു പാർട്ടിയും ചെയ്യില്ലെന്നും അടിയുറച്ച കോൺഗ്രസ് പ്രവർത്തകയായിരുന്നു ഞാൻ പക്ഷെ നാളിതുവരെയും അതുകൊണ്ട് ഒരു പ്രയോജനവും ഉണ്ടായിട്ടില്ല.

കോൺഗ്രസ് ഭരണത്തിൽ വിശ്വാസം തീരെ ഇല്ലാതായി.ഈ കാലഘട്ടത്തിൻ്റെ രാഷ്ട്രീയം ഇടതുപക്ഷമാണ്. ഇടതു പക്ഷത്തിൻ്റെ കരുതൽ തള്ളിക്കളയാനാകില്ല.ഞാൻ ഇനി ഇടതു പക്ഷത്തോടൊപ്പം പ്രവർത്തിക്കും ” ടെൻസി പറഞ്ഞു.