‘കിലെ – സിവില്‍ സര്‍വീസ് അക്കാഡമി’യില്‍ പ്രിലിമിനറി പരീക്ഷാപരിശീലനം – ക്രാഷ് പ്രോഗ്രാം

സ്വന്തം ലേഖകന്‍

തിരുവനന്തപുരം: ‘കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റ് – സിവില്‍ സര്‍വീസ് അക്കാഡമി’യില്‍ സിവില്‍ സര്‍വീസ് പ്രിലിമിനറി പരിശീലനത്തിന്റെ ക്രാഷ് കോഴ്സിലേക്ക് അപേക്ഷ ക്ഷണിക്കുന്നു. അംഗീകൃത യോഗ്യത ബിരുദം.

കേരളത്തിലെ സംഘടിത അസംഘടിത മേഖലകളില്‍ ജോലി ചെയ്യുന്ന തൊഴിലാളികളുടെ ആശ്രിതരാണ് (മക്കള്‍/ഭാര്യ/ഭര്‍ത്താവ്/അവിവാഹിതരായസഹോദരന്‍/സഹോദരി) അപേക്ഷ സമര്‍പ്പിക്കേണ്ടത്. നിശ്ചിത മാതൃകയിലുള്ള അപേക്ഷാഫോറത്തിനും മറ്റ് വിവരങ്ങള്‍ക്കും www.kile.kerala.gov.in എന്ന വെബ്സൈറ്റ് സന്ദര്‍ശിക്കുക. അപേക്ഷ 30.01.2021വൈകിട്ട് അഞ്ച് മണിക്ക് മുമ്പ് [email protected] എന്ന ഇ-മെയില്‍ വഴി സമര്‍പ്പിക്കേണ്ടതാണ്.