ബഡ്ജറ്റില്‍ കോട്ടയത്തിന് കടുത്ത അവഗണന: ബി.ജെ.പി മുന്‍ ജില്ലാ പ്രസിഡന്റ് എന്‍.ഹരി
സ്വന്തം ലേഖകന്‍
കോട്ടയം: കൊട്ടിഘോഷിച്ച് വാഗ്ദാന പെരുമഴ ചൊരിഞ്ഞ കേരള ബഡ്ജറ്റില്‍ കോട്ടയത്തെ പാടെ അവഗണിച്ചു. ലോക ടൂറിസം മാപ്പില്‍ ഇടം പിടിച്ച കുമരകത്തെ പദ്ധതികളില്‍ നിന്ന് അവഗണിച്ചു എന്നു മാത്രമല്ല, മുന്‍കാലങ്ങളില്‍ പരാമര്‍ശിച്ച് അവഗണിച്ച ഒരു പദ്ധതിയെപറ്റിപ്പോലും ഒരു വാക്കു പോലും പുതിയ ബഡ്ജറ്റിന്റെ വരികളില്‍ രേഖപ്പെടുത്തിയിട്ടില്ല എന്നത് വളരെ നിരാശജനകമാണ്.
വിനോദസഞ്ചാരമേഖലയില്‍ കേരളത്തെ സമ്പന്നമാക്കുന്ന കുമരകത്തെ സംരക്ഷിക്കുവാന്‍ ഇടതു വലതു സര്‍ക്കാര്‍ യാതൊന്നും ചെയ്യുന്നില്ലെന്നതിന്റെ ഏറ്റവും വലിയ ഉദാഹരണമാണ് ഈ അവഗണന. ബി.ജെ.പി ഏറ്റുമാനൂര്‍ മണ്ഡലം സംഘടിപ്പിച്ച ദ്വിദിന പ്രവര്‍ത്തക പഠനശിബിരം ഉത്ഘാടനം ചെയ്ത് എന്‍. ഹരി സൂചിപ്പിച്ചു.
Whatsapp Group 1 | Whatsapp Group 2 |Telegram Group
കോവിഡ് മഹാമാരി പാടെതകര്‍ത്ത കുമരകം വിനോദ സഞ്ചാര മേഖലയെ അവഗണിച്ച ഇടതുപക്ഷ സര്‍ക്കാര്‍ ജനങ്ങളെ കബളിപ്പിച്ച് അധികാരം പിടിക്കുന്നതിനുള്ള കുറുക്കുവഴിയായാണ് ബഡ്ജറ്റവതരണത്തെ കണ്ടത്. ബി.ജെ.പി മണ്ഡലം അധ്യക്ഷന്‍ കെ.ജി.ജയചന്ദ്രന്‍ അധ്യക്ഷ്യം വഹിച്ച യോഗത്തില്‍,ബി.ജെ.പി ജില്ലാ ഉപാദ്ധ്യക്ഷന്‍ പി.ജി ബിജുകുമാര്‍, ജില്ലാ ട്രഷറാര്‍
പി.ഡി.രവീന്ദ്രന്‍,സോബിന്‍ലാല്‍, ആന്റണി അറയില്‍ എന്നിവര്‍ സംസാരിച്ചു.
