മുഖ്യമന്ത്രിയുടെ പൊലീസ് മെഡലുകൾ വിതരണം ചെയ്തു: കോട്ടയത്ത് ഉദ്യോഗസ്ഥർ മെഡൽ ഏറ്റുവാങ്ങി

സ്വന്തം ലേഖകൻ

കോട്ടയം: മുഖ്യമന്ത്രിയുടെ പൊലീസ് മെഡലിന് അർഹരായ കോട്ടയം പൊലീസ് ജില്ലയിലെ ഉദ്യോഗസ്ഥർക്ക് ബഹു: ജില്ലാ പൊലീസ് മേധാവി ജി ജയദേവ് ഐ.പി.എസ് മെഡലുകൾ വിതരണം ചെയ്തു.

കാഞ്ഞിരപ്പള്ളി ഡി.വൈ.എസ്.പി സന്തോഷ് കുമാർ ജെ. , പാല മുന്‍ ഡി.വൈ .എസ് .പി ബൈജുകുമാർ കെ. ,സിവിൽ പോലീസ് ഓഫീസർമാരായ ജോബി ജോസഫ് ( മുണ്ടക്കയം സ്റ്റേഷൻ) ,വിജയരാജ് ആർ.(ഡി.വൈ .എസ്.പി .ഓഫീസ് കാഞ്ഞിരപ്പള്ളി ) എന്നിവർക്ക് ജില്ലാ പൊലീസ് മേധാവി മെഡലുകൾ വിതരണം ചെയ്‌തത്‌.

കേരളപിറവി ദിനത്തിൽ ബഹു. കേരള മുഖ്യമന്ത്രി പിണറായി വിജയൻ വീഡിയോ കോണ്‍ഫറന്‍സിങ്ങിലൂടെ ഉദ്ഘാടനം നിർവ്വഹിച്ച ചടങ്ങിൽ അതത് ജില്ലാ പൊലീസ് മേധാവികൾ ജില്ലാ പൊലീസ് ആസ്ഥാനത്ത് ബഹു. മുഖ്യമന്ത്രിയുടെ പൊലീസ് മെഡലുകൾ വിതരണം ചെയ്യുകയായിരുന്നു.