പെൻഷൻ നിർണ്ണയ കാലാവധി വെട്ടിക്കുറയ്ക്കരുത് : എൻ.ജി.ഒ. അസോസിയേഷൻ

സ്വന്തം ലേഖകൻ

കോട്ടയം : സർക്കാർ ജീവനക്കാരുടെ പെൻഷൻ കണക്കാക്കുന്ന കാലാവധി വെട്ടിക്കുറച്ച സർക്കാർ നടപടി പുനപരിശോധിക്കണമെന്ന് കേരള എൻ ജി ഒ അസോസിയേഷൻ ജില്ലാ പ്രസിഡൻറ് രഞ്ജു കെ മാത്യു ആവശ്യപ്പെട്ടു.

16 % ക്ഷാമബത്ത , ലീവ് സറണ്ടർ , തടഞ്ഞുവച്ച ഒരു മാസ ശമ്പളം എന്നിവ നൽകുവാൻ സർക്കാർ തയ്യാറാവുന്നില്ല. ശബള പരിഷ്ക്കരണവും നീട്ടികൊണ്ടു പോകുകയാണ്.

കോട്ടയം താലൂക്ക് ഓഫീസിന് മുമ്പിൽ നടന്ന പ്രതിഷേധ യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബ്രാഞ്ച് പ്രസിഡൻ്റ് സജിമോൻ സി ഏബ്രഹാം അധ്യക്ഷത വഹിച്ചു.

സംസ്ഥാന സെക്രട്ടേറിയറ്റ് അംഗം സോജോ തോമസ് , ജില്ലാ ജോ. സെക്രട്ടറി അജേഷ് പി.വി. , അജയൻ ടി.കെ. , തോമസ് ജോർജ് എന്നിവർ പ്രസംഗിച്ചു.