ഇൻസ്റ്റഗ്രാമിലൂടെ പരിചയപ്പെട്ട പതിനാലുകാരിയെ പീഡിപ്പിച്ച രണ്ട് പേർ പൊലീസ് പിടിയിൽ ; പ്രതികൾ പെൺകുട്ടിയിൽ നിന്നും സ്വർണ്ണവും അപഹരിച്ചിട്ടുണ്ടെന്ന് പൊലീസ്

സ്വന്തം ലേഖകൻ

കോഴിക്കോട്: ഇൻസ്റ്റഗ്രാം വഴി പരിചയപ്പെട്ട പതിനാലുകാരിയെ പലസ്ഥലങ്ങളിൽ കൊണ്ടുപോയി പീഡിപ്പിച്ച രണ്ടു പേർ പൊലീസ് പിടിയിൽ.

പാലക്കാട് ഒറ്റപ്പാലം പുതിയറയിൽ വീട്ടിൽ ഷറഫലി (25), കണിയാപുരം ഒഴപ്പുമ്മാറക്കുന്നത് സ്വദേശി രാഗേഷ് (22) എന്നിവരെയാണ് കേസിൽ കസബ പൊലീസ് അറസ്റ്റ് ചെയ്തത്.

14 വയസുകാരിയായ പെൺകുട്ടിയെ യുവാക്കൾ ഇൻസ്റ്റഗ്രാം വഴിയാണ് പരിചയപ്പെട്ടത്. തുടർന്ന് ഇവർ പെൺകുട്ടിയുമായി അടുക്കുകയും കുട്ടിയെ എറണാകുളം, പെരിന്തൽമണ്ണ തുടങ്ങിയ സ്ഥലങ്ങളിൽ കൊണ്ടുപോയി പീഡിപ്പിക്കുകയുമായിരുന്നു.

പിന്നീട് പെൺകുട്ടിയെയും വീട്ടുകാരെയും ഫോട്ടോ കാണിച്ച് പണം ആവശ്യപ്പെട്ട് ഭീഷണിപ്പെടുത്തിവരികെയായിരുന്നു യുവാക്കൾ. പെൺകുട്ടിയിൽനിന്ന് ഇവർ നാലര പവനോളം സ്വർണവും അപഹരിച്ചിട്ടുണ്ട്.

പെൺകുട്ടിയുടെ വീട്ടുകാർ നൽകിയ പരാതിയിൽ കസബ പൊലീസ് പോക്‌സോ പ്രകാരം കേസെടുത്തു. സി.ഐ എൻ. പ്രജീഷിെന്റ നേതൃത്വത്തിലാണ് അന്വേഷണം.

എസ്.ഐ വി. സിജിത്തിെന്റ നേതൃത്വത്തിലുള്ള സംഘം പാലക്കാടെത്തിയാണ് പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തിരിക്കുകയാണ്.