ഇന്ധനവില വർദ്ധനവിനെതിരെ ആക്രി വിലക്ക് വാഹനങ്ങൾ തൂക്കി വിറ്റ് പ്രതിഷേധം

സ്വന്തം ലേഖകൻ

അയർക്കുന്നം: ഇന്ധന വിലവർദ്ധനവിനെതിരെ വ്യത്യസ്തമായ സമരരീതിയുമായി അയർക്കുന്നം വികസന സമിതി.

ആക്രി വിലക്ക് ഇരുചക്ര വാഹനങ്ങൾ തൂക്കി നൽകിയാണ് അടിക്കടിയുള്ള ഇന്ധനവിലവർദ്ധനവിനെതിരെ പ്രസിഡണ്ട് ജോയി കൊറ്റത്തിലിന്റെ നേതൃത്വത്തിൽ സമതി പ്രതിഷേധിച്ചത്.

പ്രതിഷേധ സമരത്തിൽ ജോസഫ് ചാമക്കാല മുഖ്യ പ്രഭാഷണം നടത്തി. ജോയിസ് കൊറ്റത്തിൽ, എം.ജി ഗോപാലൻ,ജോസ് കുടകശ്ശേരി, അലക്സ് മാത്യു,ഷിനു ചെറിയാന്തറ, തോമസ് ഇല്ലത്തുപറമ്പിൽ, സുജ സന്തോഷ് കുന്നത്തൂർ,നിഖിൽ മരങ്ങാട്ടിൽ,ആൽവിൻ ഷാജി,റോഷൻ ആറുമാനൂർ തുടങ്ങിയവർ പ്രതിഷേധം രേഖപ്പെടുത്തി.