തിരുവനന്തപുരത്ത് ആളൊഴിഞ്ഞ വീട്ടിൽ നിന്നും അസ്ഥികൂടം കണ്ടെത്തി

സ്വന്തം ലേഖകൻ

തിരുവനന്തപുരം: തിരുവനന്തപുരം വട്ടപ്പാറ കുറ്റിയാണിയിൽ ആളൊഴിഞ്ഞ വീട്ടിൽ നിന്നും അസ്ഥികൂടം കണ്ടെത്തി. അസ്ഥികൂടത്തിന് രണ്ടു മാസത്തെ പഴക്കമുണ്ടെന്നാണ് വട്ടപ്പാറ പോലീസിന്റെ പ്രാഥമിക നിഗമനം.

അസ്ഥികൂടം പുരുഷനാണോ സ്ത്രീയാണോ എന്ന് തിരിച്ചറിഞ്ഞിട്ടില്ലെന്നും അസ്ഥികൂടം മെഡിക്കൽ കോളേജ് മോർച്ചറിയിലേക്ക് മാറ്റിയതായും പൊലീസ് പറഞ്ഞു. . സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.