ഭാര്യയുമായുള്ള അവിഹിത ബന്ധം ചോദ്യം ചെയ്ത ഭർത്താവിനെ കുത്തിക്കൊല്ലാൻ ശ്രമം ; കാമുകൻ അറസ്റ്റിൽ

സ്വന്തം ലേഖകൻ

കല്ലമ്പലം: ഭാര്യയുമായുള്ള അവിഹിത ബന്ധം ചോദ്യം ചെയ്ത ഭർത്താവിനെ കുത്തിക്കൊലപ്പെടുത്താൻ ശ്രമിച്ച കേസിൽ യുവതിയുടെ കാമുകൻ അറസ്റ്റിൽ.

തിരുവനന്തപുരം കല്ലമ്പലത്ത് മണമ്പൂർ ആദിയൂർ ശിവക്ഷേത്രത്തിനു സമീപം സിമി ഭവനിൽ സിജു(35)ആണ് അറസ്റ്റിലായത്. കല്ലമ്ബലം പൊലീസ് ആണ് സിജുവിനെ അറസ്റ്റുചെയ്തത്.

ഭർത്താവറിയാതെ ഭാര്യയുമായി ചങ്ങാത്തം സ്ഥാപിക്കുകയും തുടർന്ന് അവിഹിത ബന്ധത്തിലേർപ്പെടുകയും ചെയ്തതിനെ ചോദ്യം ചെയ്തപ്പോൾ കുത്തിക്കൊലപ്പെടുത്താൻ ശ്രമിച്ചെന്നാണ് കേസ്. അക്രമത്തിൽ പരിക്കേറ്റ യുവതിയുടെ ഭർത്താവ് ഇപ്പോൾ ചികിത്സയിലാണ്. ഓട്ടോ ഡ്രൈവറായ സിജു നേരത്തെ പിടിച്ചുപറിക്കേസിലും പ്രതിയാണ്.