ഗാലക്‌സി എസ് 10 ലൈറ്റ് ഇനി ഫ്‌ളിപ്കാർട്ടിൽ

സ്വന്തം ലേഖകൻ

കൊച്ചി : ഗാലക്‌സി എസ് 10 ലൈറ്റ്, നോട്ട് 10 ലൈറ്റ് എന്നിവ ഈ മാസം ഇന്ത്യയിലേക്ക് വരുന്നു എന്ന വാർത്ത നേരത്തെ റിപ്പോർട്ട് ചെയ്യപ്പെട്ടിരുന്നു. എന്നാൽ ഏതു ദിവസം ലോഞ്ച് ചെയ്യുമെന്ന് വെളുപ്പെടുത്തിയിട്ടില്ലായിരുന്നു.

എന്നാൽ ജനുവരി 23 ന് എസ് 10 ലൈറ്റ് ലോഞ്ച് ചെയ്യുമെന്നാണ് ഫ്‌ലിപ്കാർട്ടിൽ പോസ്റ്റ് ചെയ്ത പുതിയ ടീസർ വെളിപ്പെടുത്തുന്നത്.

സാംസങ് ഗാലക്സി എസ് 10 ലൈറ്റ് ഇന്ത്യയിൽ ഏകദേശം 40,000 രൂപയ്ക്ക് വിപണിയിലെത്തിക്കുമെന്നാണ് സൂചന. അമേരിക്കയിൽ നടക്കുന്ന ടെക്ക് ഷോയായ സിഇഎസ് 2020-ൽ നോട്ട് 10 ലൈറ്റിനൊപ്പം ഗാലക്സി എസ് 10 ലൈറ്റ് ഈ ആഴ്ച ആദ്യം പുറത്തിറക്കിയിരുന്നു. ട്രിപ്പിൾ ക്യാമറകളുമായാണ് സ്മാർട്‌ഫോൺ അവതരിപ്പിച്ചത്.

ഗാലക്‌സി നോട്ട് 10 ഫോണിന് സമാനമാണ് ഇതിന്റെ രൂപകൽപന. ആറ് ജിബി റാം + 128 ജിബി സ്റ്റോറേജ്, എട്ട് ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് പതിപ്പുകളാണ് ഗാലക്‌സി നോട്ട് 10 ലൈറ്റിനുള്ളത്. 12 എംപി പ്രധാന ക്യാമറ, 12 എംപി വൈഡ് ആംഗിൾ ക്യാമറ, 12 എംപി ടെലിഫോട്ടോ ലെൻസ് എന്നിവയാണ് ഫോണിൽ ഉൾപ്പെടുത്തിയിരിക്കുന്നത്. 4500 എംഎഎച്ച് ബാറ്ററി വാഗ്ദാനം ചെയ്യുന്നു. 128 ജിബി ഇന്റേണൽ സ്റ്റോറേജ് സൗകര്യവും ലഭ്യമാകും.

12 മെഗാപിക്‌സലിന്റെ മൂന്ന് സെൻസറുകളാണ് ഫോണിലുള്ളത്. ഗാലക്‌സി നോട്ട് പരമ്ബരയിൽപ്പെട്ട ഫോൺ ആയതിനാൽ തന്നെ ഗാലക്‌സി നോട്ട് ലൈറ്റ് ഫോണിനൊപ്പം ഒരു എസ് പെനും ലഭ്യമാകുന്നു.