ജമ്മു കശ്മീരിൽ വീട്ടുതടങ്കലിലാക്കിയ രാഷ്ട്രീയ നേതാക്കളെ സമയമാകുമ്പോൾ മോചിപ്പിക്കുമെന്ന് ബിജെപി ദേശീയ ജനറൽ സെക്രട്ടറി റാം മാധവ്

സ്വന്തം ലേഖകൻ

ശ്രീനഗർ: ജമ്മു കശ്മീരിൽ വീട്ടുതടങ്കലിലാക്കിയ രാഷ്ട്രീയ നേതാക്കളെ സമയമാകുമ്പോൾ
മോചിപ്പിക്കുമെന്ന് ബിജെപി ദേശീയ ജനറൽ സെക്രട്ടറി റാം മാധവ്.
ആർട്ടിക്കിൾ 370 റദ്ദാക്കിയതിനോടനുബന്ധിച്ചാണ് രാഷ്ട്രീയ നേതാക്കളെ വീട്ടുതടങ്കലിലാക്കിയത്.

പലരേയും ഇതിന്റെ ഭാഗമായി വീട്ടുതടങ്കലിലാക്കിയിരുന്നു.
ഇത് തുടർന്നുകൊണ്ടിരിക്കുന്ന ഒരു പ്രക്രിയയാണ് നിരവധി ആളുകളെ വീട്ടുതടങ്കലിൽ നിന്നും കരുതൽ തടങ്കലിൽ നിന്നും മോചിപ്പിച്ചുകഴിഞ്ഞു.

പൗരത്വ നിയമ ഭേദഗതി മുസ്ലീങ്ങൾക്കെതിരായ വിവേചനമല്ല, അഭയാർഥികളായവർക്ക് പൗരത്വം നൽകുക എന്നത് മാത്രമാണ് അതിന്റെ ഉദ്ദേശം. പൗരത്വ രജിസ്റ്ററുമായി ബന്ധപ്പെട്ട് കൂടുതൽ ചർച്ചകളില്ലെന്ന് പ്രധാനമന്ത്രി വ്യക്തമാക്കിയിട്ടുള്ളതാണ്. എൻആർസി എന്ന് പറയുന്നത് പതിവായി നടക്കുന്ന ഒരു പ്രക്രിയയാണെന്നും എൻപിആർ സെൻസസ് വിപൂലീകരിച്ചതാണെന്നും അദ്ദേഹം വ്യക്തമാക്കി.