എസ്.ഡി.പി.ഐ. പ്രവർത്തകർക്കെതിരേ വാട്‌സ് ആപ്പിൽ പോസ്റ്റിട്ടയാൾ അറസ്റ്റിൽ

സ്വന്തം ലേഖകൻ

ചേലക്കര: എസ്.ഡി.പി.ഐ. പ്രവർത്തകർക്കെതിരേ വാട്‌സ് ആപ്പിൽ പ്രകോപനപരമായ രീതിയിൽ പോസ്റ്റിട്ടയാളെ പോലീസ് അറസ്റ്റ് ചെയ്തു . കായാംപൂവം കുന്നത്ത് വീട്ടിൽ വിഷ്ണുവി (25) നെയാണ് പോലീസ് അറസ്റ്റ് ചെയ്തത് .

എസ്.ഡി.പി.ഐ. പ്രവർത്തകർക്കെതിരേ വധഭീഷണി മുഴക്കിയായിരുന്നു ഇയാളുടെ പോസ്റ്റെന്ന് പോലീസ് പറഞ്ഞു. എസ്.ഡി.പി.ഐ. പ്രവർത്തകരുടെ പരാതിയിൽ എസ്.ഐ. അനുദാസിന്റെ നേതൃത്വത്തിലാണ് യുവാവിനെ അറസ്റ്റ് ചെയ്തത്.

പിടിയിലായ വിഷ്ണു ബി.ജെ.പി. പ്രവർത്തകനാണ്. ഇയാളെ പിന്നീട് ജാമ്യത്തിൽ വിട്ടയച്ചു .