വാക്ക് തർക്കം; പെരുമ്പാവൂരില്‍ വയോധികനെ വെട്ടിക്കൊന്നു: പ്രതി ഒളിവിൽ; തെരച്ചിൽ ഊർജിതമാക്കി പോലീസ്

സ്വന്തം ലേഖകൻ 

എറണാകുളം: വയോധികനെ വെട്ടിക്കൊന്നു. എറണാകുളത്താണ് സംഭവം. പെരുമ്പാവൂർ കിഴക്കേ ഐമുറി തേരോത്തുമല വേലായുധൻ ആണ് കൊല്ലപ്പെട്ടത്. 65 വയസായിരുന്നു.

പ്രതിയെന്ന് സംശയിക്കുന്ന പാണിയേലി സ്വദേശി ലിന്റോ ഒളിവിലാണ്. ഇയാൾക്കായുള്ള തെരച്ചിൽ പോലീസ് ആരംഭിച്ചു.

മാസങ്ങൾക്ക് മുൻപ് ലിന്റോയും വേലായുധനും തമ്മിൽ വാക്ക് തർക്കം ഉണ്ടായിരുന്നു എന്ന് പോലീസ് വ്യക്തമാക്കുന്നു. ഇതിനിടെ വേലായുധൻ ഇറച്ചി വെട്ടുന്ന കത്തി ഉപയോഗിച്ച് ലിന്റോയെ വെട്ടി പരിക്കേൽപ്പിച്ചിരുന്നു. ഇതിന്റെ പ്രതികാരമാണ് കൊലപാതകമെന്നാണ് വിവരം.