ഡല്‍ഹി: അശ്ലീലവും തീവ്ര ലൈംഗികതയും പ്രചരിപ്പിക്കുന്ന ഉള്ളടക്കം സംപ്രേക്ഷണം ചെയ്തതിന്റെ പേര് പറഞ്ഞ് ഉല്ലു, എഎല്‍ടിടി, ഡെസിഫ്ലിക്സ്, ബിഗ് ഷോട്ട്സ് ഉള്‍പ്പെടെ 25 ഒടിടി പ്ലാറ്റ്ഫോമുകള്ക്ക് കേന്ദ്ര സർക്കാർ നിരോധനം ഏർപ്പെടുത്തി.
ഇലക്‌ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം (MeitY) ഐടി നിയമം, 2000, ഐടി നിയമങ്ങള്‍, 2021 എന്നിവയുടെ അടിസ്ഥാനത്തില്‍ നടപടിയെടുത്തതായി അറിയിച്ചു.
‘സോഫ്റ്റ് പോണ്‍’ എന്ന് വിശേഷിപ്പിക്കപ്പെടുന്ന ഉള്ളടക്കം പ്രായപൂർത്തിയാകാത്തവർക്ക് എളുപ്പത്തില്‍ ലഭ്യമാകുന്നതിനെതിരെ ലഭിച്ച നിരവധി പരാതികളെ തുടർന്നാണ് ഈ നടപടി. ഈ പ്ലാറ്റ്ഫോമുകള്‍ ‘ഇറോട്ടിക് വെബ് സീരീസ്’ എന്ന പേര് പറഞ്ഞ് നിയന്ത്രണമില്ലാതെ മുതിർന്നവർക്കുള്ള ഉള്ളടക്കം പ്രചരിപ്പിക്കുന്നതായി കണ്ടെത്തി.
Whatsapp Group 1 | Whatsapp Group 2 |Telegram Group
ആഭ്യന്തര മന്ത്രാലയം, വനിതാ-ശിശു വികസന മന്ത്രാലയം, നിയമകാര്യ വകുപ്പ്, ഫിക്കി, സിഐഐ, വനിതാ-ശിശു അവകാശ വിദഗ്ധർ എന്നിവരുമായി കൂടിയാലോചിച്ചാണ് തീരുമാനം. ബന്ധപ്പെട്ട വെബ്സൈറ്റുകളിലേക്കും ആപ്പുകളിലേക്കുമുള്ള പ്രവേശനം തടയാൻ ഇന്റർനെറ്റ് സേവനദാതാക്കള്‍ക്ക് നിർദേശം നല്‍കിയിട്ടുണ്ട്.
2024 മാർച്ചില്‍ 19 വെബ്സൈറ്റുകള്‍, 10 ആപ്പുകള്‍, 18 ഒടിടി പ്ലാറ്റ്ഫോമുകളുടെ 57 സോഷ്യല്‍ മീഡിയ ഹാൻഡിലുകള്‍ എന്നിവ സമാന കാരണങ്ങളാല്‍ നിരോധിച്ചിരുന്നു. ഡ്രീംസ് ഫിലിംസ്, നിയോണ്‍ എക്സ് വിഐപി, മൂഡ്‌എക്സ്, ബേഷരംസ്, വൂവി, മോജ്ഫ്ലിക്സ്, യെസ്മ, ഹണ്ടേഴ്സ്, ഹോട്ട് ഷോട്ട്സ് വിഐപി, ഫ്യൂജി, അണ്‍കട്ട് അഡ്ഡ, റാബിറ്റ്, ട്രൈഫ്ലിക്സ്, എക്സ്ട്രാമൂഡ്, ചികൂഫ്ലിക്സ്, എക്സ് പ്രൈം, ന്യൂഫ്ലിക്സ്, പ്രൈം പ്ലേ എന്നിവയായിരുന്നു അവ.ശിവസേന (യുബിടി) നേതാവ് പ്രിയങ്ക ചതുർവേദി സർക്കാർ നടപടിയെ പ്രശംസിച്ചു.
The Central Government has banned 25 OTT platforms, including Ullu, ALTT, Desiflix, and Big Shots, for streaming obscene and sexually explicit content. The Ministry of Electronics and Information Technology (MeitY) acted under the IT Act, 2000, and IT Rules, 2021, following complaints about unregulated “soft porn” accessible to minors. The decision, aimed at ensuring lawful digital content, was made after consultations with ministries, FICCI, CII, and women’s and child rights experts. Internet providers have been directed to block access to these platforms. In March 2024, 19 websites, 10 apps, and 57 social media handles of platforms like Dreams Films, Neon X VIP, and MoodX were banned for similar reasons. Shiv Sena (UBT) leader Priyanka Chaturvedi praised the move
