തൃപ്പൂണിത്തുറയില്‍ 21 കാരിയായ യുവതിയെ കാപ്പ ചുമത്തി നാടുകടത്തി

തൃപ്പൂണിത്തുറ: നിരവധി കേസുകളില്‍ പ്രതിയായ യുവതിയെ കാപ്പ ചുമത്തി നാടുകടത്തി. കരിങ്ങാച്ചിറ പാലത്തിങ്കല്‍ വീട്ടില്‍ സൂര്യപ്രഭ (21) യെയാണ് സിറ്റി പൊലീസ് കമീഷണറുടെ ഉത്തരവ് പ്രകാരം നാട് കടത്തിയത്.

ഹില്‍പാലസ് പൊലീസ് സ്റ്റേഷനിലെ നിരവധി കുറ്റകൃത്യങ്ങളിലെ പ്രതിയാണ് സൂര്യപ്രഭ.

പൊതുജനങ്ങളുടെ സമാധാന ലംഘന പ്രവർത്തനങ്ങളില്‍ സ്ഥിരം ഏർപ്പെട്ടു വരുന്നയാളാണെന്ന് കണ്ടെത്തിയതിനെ തുടർന്നാണ് നടപടി.

സിറ്റി പൊലീസിൻ്റെ പരിധിയില്‍ പ്രവേശിക്കുന്നതിന് ആറ് മാസത്തേയ്ക്ക് തടഞ്ഞു കൊണ്ടാണ് കാപ്പ നിയമപ്രകാരം ഉത്തരവ്.