നായ കടിച്ചതിനെത്തുടര്‍ന്ന് ഒരു മാസം മുൻപ് വാക്സിനെടുത്തു പക്ഷേ ഫലമുണ്ടായില്ല ; പത്തനംതിട്ടയിൽ പേവിഷ ബാധയേറ്റ് 12 വയസുകാരി മരിച്ചു

പത്തനംതിട്ട : പുല്ലാട് പന്ത്രണ്ടുകാരി പേവിഷ ബാധയേറ്റ് മരിച്ചു. ഒരു മാസം മുൻപാണ് നായ കടിച്ചത്. അന്ന് വാക്സീൻ എടുത്തതായി പറയുന്നു.

തുടർന്ന് കഴിഞ്ഞയാഴ്ച ഒരു വിവാഹത്തില്‍ പങ്കെടുത്ത് മടങ്ങവെ പെണ്‍കുട്ടി കുഴഞ്ഞു വീഴുകയായിരുന്നു. തുടർന്ന് മഞ്ചേരിയിലെ സ്വകാര്യ ആശുപത്രിയിലും പിന്നീട് തിരുവല്ല ബിലീവേഴ്സിലും ചികിത്സതേടി.

ആരോഗ്യ നില മോശമായതോടെ കൊച്ചിയിലെ സ്വകാര്യ ആശുപത്രിയിലേക്ക് മാറ്റിയെങ്കിലും ചൊവ്വാഴ്ച രാത്രിയോടെ മരിക്കുകയായിരുന്നു.