നദിയിൽ കുളിക്കാനിറങ്ങിയ 10 വയസുകാരനെ മുതല വിഴുങ്ങി; കുട്ടിയെ മുതല ആക്രമിക്കുകയും നദിയിലേക്ക് വലിച്ചു കൊണ്ടുപോകുകയുമായിരുന്നു

സ്വന്തം ലേഖകൻ

ഭോപ്പാൽ: നദിയിൽ കുളിക്കാനിറങ്ങിയ 10 വയസുകാരനെ മുതല വിഴുങ്ങി. മധ്യപ്രദേശിലെ ഷിയോപൂരിലാണ് സംഭവം. ഇന്നലെ രാവിലെ ചമ്പൽ നദിയിൽ കുളിക്കാനിറങ്ങിയ കുട്ടിയെ മുതല ആക്രമിക്കുകയും നദിയിലേക്ക് വലിച്ചു കൊണ്ടുപോകുകയുമായിരുന്നെന്ന് സ്ഥലത്തുണ്ടായിരുന്നവർ പറയുന്നു.

കുട്ടിയുടെ കുടുംബത്തെ അ‌​പ്പോൾ തന്നെ വിവരം അ‌റിയിച്ചു. നാട്ടുകാരും വീട്ടുകാരും ചേർന്ന് കമ്പും കയറും വലകളുമുപയോഗിച്ച് മുതലയെ പിടികൂടി കരയിലേക്ക് എത്തിച്ചു.

കുട്ടിയെ മുതല തുപ്പിയാൽ മാത്ര​​മേ വിട്ടുനൽകൂ എന്ന് ഗ്രാമീണർ പറഞ്ഞു.തുടർന്ന് പൊലീസ് സ്ഥലത്തെത്തി.മുതലയുടെ വയറ്റിൽ കുട്ടി ജീവനോടെയുണ്ടാവും എന്ന വിശ്വാസത്തിലായിരുന്നു കുടുംബം.

വൈകുന്നേരമായിട്ടും മുതലയെ വിട്ടു നൽകാൻ അവർ തയാറായില്ല. ഒടുവിൽ ഏറെ നേരത്തെ ചർച്ചകൾക്കൊടുവിൽ മുതലയെ മോചിപ്പിക്കാൻ ഗ്രാമീണർ തയാറാകുകയായിരുന്നു.