മദ്യപിച്ച്‌ ലക്ക് കെട്ട് ഡ്യൂട്ടിലുണ്ടായിരുന്ന ജീവനക്കാർ! ഔട്ട്‌ലെറ്റിലെ കണക്കുകളില്‍ 22,000 രൂപയുടെ കുറവും ഒപ്പം ഉറവിടം വെളിപ്പെടുത്താത്ത 82,000 രൂപയും ; അങ്കമാലിയിലെ ബെവ്കോ ഔട്ട്‌ലെറ്റില്‍ വിജിലൻസ് നടത്തിയ മിന്നൽ പരിശോധനയിൽ ഗുരുതര ക്രമക്കേടുകള്‍

എറണാകുളം: അങ്കമാലിയിലെ ബെവ്കോ ഔട്ട്‌ലെറ്റില്‍ വിജിലൻസിന്റെ മിന്നൽ പരിശോധന. അപ്രതീക്ഷിത പരിശോധനയില്‍ ഗുരുതരമായ ക്രമക്കേടുകള്‍ കണ്ടെത്തി.

Link

Embed

Copy and paste this HTML code into your webpage to embed.

ഡ്യൂട്ടിയിലുണ്ടായിരുന്ന രണ്ട് ജീവനക്കാർ മദ്യപിച്ച്‌ അവശരായ നിലയിലായിരുന്നുവെന്ന് ഉദ്യോഗസ്ഥർ അറിയിച്ചു.

ഔട്ട്‌ലെറ്റിലെ കണക്കുകളില്‍ 22,000 രൂപയുടെ കുറവ് കണ്ടെത്തി. ജീവനക്കാരുടെ പക്കല്‍ നിന്ന് ഉറവിടം വെളിപ്പെടുത്താത്ത 82,000 രൂപ വിജിലൻസ് പിടിച്ചെടുത്തു.

വിവിധ മദ്യ കമ്പനികള്‍ നല്‍കിയ അനധികൃത പണമാണിതെന്നാണ് പ്രാഥമിക നിഗമനം. ജോലിസമയത്ത് മദ്യപിച്ച നിലയില്‍ കണ്ടെത്തിയ ജീവനക്കാർക്കെതിരെ കർശന നടപടിക്ക് ശുപാർശ ചെയ്തേക്കും.