ലോകകപ്പ് തരംഗം; ആരാധകര്‍ക്ക് ആവേശമായി സിപിഎം ലോക്കല്‍ കമ്മിറ്റി അംഗം സി പി രാജന്‍റെ ‘ബ്രസീല്‍ വീട്’

സ്വന്തം ലേഖിക

ചെറുതുരുത്തി: ഫുട്ബോൾ ആവേശത്തിൽ സ്വന്തം വീട് ബ്രസീലിന്‍റെ കളറാക്കി ഗ്രാമപഞ്ചായത്ത് അംഗം.

ദേശമംഗലം ഗ്രാമപഞ്ചായത്തിലെ 14ാം വാര്‍ഡ് അംഗം കടുകശ്ശേരി തളി പടിഞ്ഞാറൂട്ട് സി.പി.
രാജനാണ് (51) വീടിനും മതിലിനും മഞ്ഞയും പച്ചയും പെയിന്‍റടിച്ചത്.

ബ്രസീല്‍ ആരാധകരായ മറ്റ് അഞ്ചുപേരും വീട് കളറാക്കാന്‍ സഹായിച്ചു. കഴിഞ്ഞതവണത്തെ ലോകകപ്പില്‍ വീട്ടുമുറ്റത്ത് ബിഗ് സ്ക്രീനില്‍ കളി കാണിച്ചിരുന്നു.

ഈ തവണയും അത് തുടരാനുള്ള ശ്രമത്തിലാണ്. സി.പി.എം ലോക്കല്‍ കമ്മിറ്റി അംഗം കൂടിയാണ്.