വൈക്കം സ്വദേശിയായ സൈനികൻ ഡൽഹിയിൽ ഡെങ്കിപ്പനി ബാധിച്ച് മരിച്ചു

സ്വന്തം ലേഖിക

ന്യൂഡൽഹി: ഡൽഹിയിൽ കോട്ടയം വൈക്കം സ്വദേശിയായ സൈനികൻ ഡെങ്കിപ്പനി ബാധിച്ചു മരിച്ചു.

രാഷ്ട്രീയ റൈഫിളിലെ സൈനികൻ വൈക്കം മറവൻതുരുത്ത് അപ്പക്കോട്, ഇടമനപ്പറമ്പിൽ അനിലിൻ്റെയും കമലമ്മയുടേയും മകൻ അഖിൽ കുമാർ ആണ്‌ മരിച്ചത്.

ജമ്മുവിൽ സേവനം അനുഷ്ഠിക്കുന്നതിനിടയിലാണ് പനി ബാധിച്ചത്. തുടർന്നു ചികിത്സക്കായി ഡൽഹിയിൽ എത്തിച്ചു.

മൂന്നുദിവസമായി ജീവൻ രക്ഷിക്കാനുള്ള ശ്രമങ്ങൾ നടക്കുകയായിരുന്നു. എന്നാൽ ഇന്ന് രാവിലെയോടെ മരണം സംഭവിച്ചു.
മൃതദേഹം നാട്ടിലേക്കു എത്തിക്കുവാനുള്ള നടപടികൾ പുരോഗമിക്കുന്നു.