പ്രതിഭയാണ്, പ്രതിഭാസമാണ്..; സുകുമാരക്കുറുപ്പ് പരാമര്‍ശത്തില്‍ ഇ പി ജയരാജനെ പരിഹസിച്ച്‌ വി ടി ബല്‍റാം
സ്വന്തം ലേഖിക
തിരുവനന്തപുരം:
എകെജി സെന്റര്‍ ആക്രമണത്തില്‍ പ്രതിയെ പിടിക്കാത്ത വിഷയത്തില്‍ എല്‍ഡിഎഫ് കണ്‍വീനര്‍ ഇ പി ജയരാജൻ നടത്തിയ പരാമർശത്തെ പരിഹസിച്ച്‌ കോണ്‍ഗ്രസ് നേതാവ് വി ടി ബല്‍റാം.
സുകുമാരക്കുറുപ്പിനെ കുറിച്ച്‌ ജയരാജന്‍ പറഞ്ഞ വാര്‍ത്ത പങ്കുവച്ചുകൊണ്ടായിരുന്നു ബല്‍റാമിന്റെ പരിഹാസം. പ്രതിഭയാണ്, പ്രതിഭാസമാണ് എന്നായിരുന്നു ബല്‍റാം ചിത്രത്തിനൊപ്പം കുറിച്ചത്.
Whatsapp Group 1 | Whatsapp Group 2 |Telegram Group
‘ സുകുമാരക്കുറുപ്പ് പോയിട്ട് കാലമെത്രയായി. പലരും മാറി മാറി ഭരിച്ചില്ലേ. എത്ര കേസുണ്ട് ഇങ്ങനെ. പൊലീസ് അന്വേഷണം നല്ല രീതിയില്‍ പുരോഗമിക്കുന്നുണ്ട്. ഇത്തരത്തിലുള്ള കൃത്യം നടത്തുന്നവര്‍ രക്ഷപ്പെടാനുള്ള വഴിയും സ്വീകരിക്കാം.
അതുകൊണ്ട് പൊലീസിന്റെ ശക്തിയും, എല്ലാ തരത്തിലുള്ള ശാസ്ത്ര സാങ്കേതിക വിദ്യയുമെല്ലാം ഉപയോഗിച്ച്‌ ജാഗ്രതയോടെ പൊലീസ് അന്വേഷണം നടത്തിക്കൊണ്ടിരിക്കുകയാണ്.’- ഇങ്ങനെയായിരുന്നു രാവിലെ ജയരാജന്‍ മാദ്ധ്യമങ്ങളോട് പ്രതികരിച്ചത്. അതിന് പിന്നാലെ സമൂഹമാദ്ധ്യമങ്ങളില്‍ ജയരാജനെതിരെ ട്രോളുകള്‍ പ്രചരിക്കുന്നുണ്ട്.
