കല്യാണം വിളിക്കാത്തതിന് മണ്ഡപത്തില്‍ വഴക്കുണ്ടാക്കി ബന്ധു; വാക്കേറ്റം കലാശിച്ചത് സംഘര്‍ഷത്തിൽ; പെണ്‍കുട്ടിയുടെ അച്ഛന് പരിക്കേറ്റു; തിരുവനന്തപുരത്തെ ‘കല്യാണത്തല്ല്’ ഇങ്ങനെ…..!

സ്വന്തം ലേഖിക

തിരുവനന്തപുരം: കല്യാണം വിളിക്കാത്തതിന് മണ്ഡപത്തില്‍ വഴക്കിട്ട് ബന്ധു.

വാക്കേറ്റം ഒടുവില്‍ കലാശിച്ചത് സംഘര്‍ഷത്തിലായിരുന്നു.

ബാലരാമപുരത്ത് സെന്‍റ് സെബാസ്റ്റ്യന്‍ ഓഡിറ്റോറിയത്തില്‍ ആണ് സംഭവം.

കല്യാണപാര്‍ട്ടിക്കിടെയുണ്ടായ സംഘര്‍ഷത്തില്‍ നിരവധി പേര്‍ക്ക് പരിക്കേറ്റു. കല്യാണം വിളിച്ചില്ലെന്നാരോപിച്ച്‌ ബന്ധുവായ ഒരാള്‍ വഴക്കിട്ടതാണ് പ്രശ്നങ്ങള്‍ക്ക് കാരണം.

സംഭവത്തില്‍ പെണ്‍കുട്ടിയുടെ അച്ഛന് പരിക്കേറ്റു. ഇദ്ദേഹത്തെ ആശുപത്രിയില്‍ പ്രവേശിപ്പിച്ചു.