സ്വന്തം ലേഖിക
ഇടുക്കി: എഞ്ചിനീയറിംഗ് കോളേജില് തെരഞ്ഞെടുപ്പിനിടെ ഉണ്ടായ സംഘര്ഷത്തില് എസ്എഫ്ഐ വിദ്യാര്ത്ഥി ധീരജ് രാജേന്ദ്രന് കൊല്ലപ്പെട്ട സംഭവത്തില് ഒരാളെ പൊലീസ് കസ്റ്റഡിയിലെടുത്തു.
യൂത്ത് കോണ്ഗ്രസ് പ്രവര്ത്തകന് ജെറിന് ജോജോ ആണ് കസ്റ്റഡിയിലായത്. സംഭവശേഷം ഓടി രക്ഷപ്പെടുന്നതിനിടെയാണ് ഇയാളെ പൊലീസ് പിടികൂടിയത്.
Whatsapp Group 1 | Whatsapp Group 2 |Telegram Group
കണ്ണൂര് സ്വദേശിയും ഏഴാം സെമസ്റ്റര് കംപ്യൂട്ടര് സയന്സ് വിദ്യാര്ത്ഥിയുമായ ധീരജാണ് കുത്തേറ്റ് മരിച്ചത്. കുത്തിയവര് ഓടി രക്ഷപ്പെടുകയായിരുന്നു. പിന്നില് യൂത്ത് കോണ്ഗ്രസാണെന്ന് എസ്എഫ്ഐ ആരോപിക്കുന്നു.
അക്രമത്തിന് പിന്നില് പുറത്തു നിന്നെത്തിയ ക്രിമിനല് സംഘമുണ്ടെന്നും നാളെ സംസ്ഥാന വ്യാപകമായി പഠിപ്പ് മുടക്ക് സമരം നടത്തുമെന്നും എസ്എഫ്ഐ നേതൃത്വം അറിയിച്ചു.
ഇന്ന് ഉച്ചയോടെയാണ് ഇടുക്കി എഞ്ചിനീയറിംഗ് കോളേജില് തെരഞ്ഞെടുപ്പിനിടെ ഉണ്ടായ സംഘര്ഷത്തില് മൂന്ന് വിദ്യാര്ത്ഥികള്ക്ക് കുത്തേറ്റത്. നെഞ്ചിന് കുത്തേറ്റ കണ്ണൂര് സ്വദേശിയും എസ്എഫ്ഐ പ്രവര്ത്തകനുമായ ധീരജ് രാജേന്ദ്രനെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
മറ്റ് വിദ്യാര്ത്ഥികളായ അഭിജിത്, അമല് എന്നിവരുടെ പരിക്കുകള് ഗുരുതരമല്ലെന്നാണ് ആശുപത്രിയില് നിന്നും ലഭിക്കുന്ന വിവരം. നിഖില് പൈലി ആണ് കുത്തിയതെന്നാണ് പ്രാഥമിക നിഗമനം എന്ന് പോലീസ് പറയുന്നു.
