പാലക്കാട് പതിനഞ്ചുകാരിയെ പീഡിപ്പിച്ച കേസ്; 90കാരന് തടവുശിക്ഷയും അര ലക്ഷം രൂപ പിഴയും ശിക്ഷ

സ്വന്തം ലേഖിക

പാലക്കാട്: പാലക്കാട് കല്ലടിക്കോട് പതിനഞ്ചു വയസ്സുകാരിയെ പീഡ‍ിപ്പിച്ച കേസില്‍ പ്രതിക്ക് തടവു ശിക്ഷ.

കരിമ്പ, ചിറയില്‍ വീട്ടില്‍ കോര കുര്യനെ (90) ആണ് മൂന്ന് വര്‍ഷം കഠിന തടവിന് ശിക്ഷിച്ചത്. അരലക്ഷം രൂപ പിഴയും ഒടുക്കണം.

പട്ടാമ്പി ഫാസ്റ്റ് ട്രാക്ക് സ്പെഷ്യല്‍ കോടതി ജഡ്ജ് സതീഷ് കുമാര്‍ ആണ് ശിക്ഷ വിധിച്ചത്. കേസില്‍ 9 സാക്ഷികളെ വിസ്തരിച്ചു. 8 രേഖകള്‍ ഹാജരാക്കി. പ്രോസീക്യൂഷന് വേണ്ടി നിഷ വിജയകുമാര്‍ ഹാജരായി.