സ്വന്തം ലേഖകൻ
ആലപ്പുഴ: പൊലീസ് ക്വാര്ട്ടേഴ്സില് മക്കളെ കൊന്ന് അമ്മ ആത്മഹത്യ ചെയ്ത കേസില് ഭര്ത്താവ് പൊലീസ് ഉദ്യോഗസ്ഥനായ റെനിസിനെതിരെ ഗുരുതര കണ്ടെത്തലുകള്.
റെനീസിന്റെ പീഡനങ്ങളാണ് കൊലപാതകങ്ങളിലേക്കും ആത്മഹത്യയിലേക്കും നയിച്ചതെന്നാണ് കണ്ടെത്തല്. കൂടുതല് സ്ത്രീധനം ആവശ്യപ്പെട്ട് നജ്ലയെ റെനിസ് നിരന്തരം പീഡിപ്പിച്ചിരുന്നതടക്കമുള്ള ഗുരുതരമായ കുറ്റങ്ങളാണ് റിമാന്ഡ് റിപ്പോര്ട്ടിലുള്ളത്.
Whatsapp Group 1 | Whatsapp Group 2 |Telegram Group
വിവാഹ സമയത്ത് 40 പവനും 10 ലക്ഷം രൂപയും പള്സര് ബൈക്കും സ്ത്രീധനമായി നജ്ലയുടെ വീട്ടുകാര് നല്കിയിരുന്നു. എന്നാല് കൂടുതല് സ്ത്രീധനം ആവശ്യപ്പെട്ട് നജ്ലയെ പല തവണ റെനിസ് വീട്ടിലേക്ക് തിരിച്ചയച്ചു. ഇതോടെ പലപ്പോഴായി 20 ലക്ഷം രൂപ വീണ്ടും കൊടുത്തുവെന്നാണ് റിമാന്ഡ് റിപ്പോര്ട്ടിലുള്ളത്.
നജ്ലയെ സ്വന്തമായി മൊബൈൽ ഫോണ് ഉപയോഗിക്കാന് റെനീസ് അനുവദിച്ചിരുന്നില്ല. ഇയാള് പുറത്ത് പോകുമ്പോള് നജ്ലയെ മുറിയില് പൂട്ടിയിടുമായിരുന്നു. പുറം ലോകവുമായി ബന്ധപ്പെടാന് നജ്ലയെ അനുവദിച്ചില്ല. പല സ്ത്രീകളുമായും റെനീസിന് അടുത്ത ബന്ധം ഉണ്ടായിരുന്നു.
ബന്ധുവായ ഒരു സ്ത്രീയെ കല്യാണം കഴിക്കാന് നജ്ലയില് റെനീസ് നിരന്തരം സമ്മര്ദ്ദം ചെലുത്തി. റെനീസിന്റ മാനസിക ശാരിര പീഡനങ്ങളാണ് നജ്ലയെ ആത്മഹത്യയിലേക്കെത്തിച്ചതെന്നുമാണ് റിമാന്ഡ് റിപ്പോര്ട്ടില് പറയുന്നത്.
