കണ്ണൂർ: കണ്ണൂർ ജില്ലാ പഞ്ചായത്ത് മുൻ പ്രസിഡന്റ് പി പി ദിവ്യയ്‌ക്കെതിരായ അന്വേഷണത്തില്‍ നിർണായക നീക്കവുമായി വിജിലൻസ്.
ദിവ്യയുടെ ബിനാമി കമ്പനിയെന്ന ആരോപണം നേരിടുന്ന കാർട്ടണ്‍ ഇന്ത്യ കമ്പനിക്ക് വിവിധ പദ്ധതികളുടെ കരാർ നല്‍കിയതുമായി ബന്ധപ്പെട്ട ഫയലുകള്‍ വിജിലൻസ് സംഘം കസ്റ്റഡിയിലെടുത്തു.
കണ്ണൂർ ജില്ലാ പഞ്ചായത്തില്‍ നിന്നാണ് 12 കോടി രൂപയുടെ പദ്ധതികളുമായി ബന്ധപ്പെട്ട ഫയലുകള്‍ കസ്റ്റഡിയിലെടുത്തത്. പി പി ദിവ്യ ജില്ലാ പഞ്ചായത്ത് പ്രസിഡന്റായിരിക്കെ കാർട്ടണ്‍ ഇന്ത്യ അലൈൻസ് പ്രൈവറ്റ് ലിമിറ്റഡ് കമ്പനിക്ക് 12 കോടിയിലധികം രൂപയുടെ കരാറുകള്‍ കിട്ടിയതിന് പിന്നില്‍ ക്രമക്കേട് നടന്നെന്ന പരാതിയിലാണ് വിജിലൻസ് നടപടി. അഞ്ച് ഫയലുകളാണ് വിജിലൻസ് കസ്റ്റഡിയിലെടുത്തത്.
കണ്ണൂർ ജില്ലാ പഞ്ചായത്തില്‍ നിന്നാണ് 12 കോടി രൂപയുടെ പദ്ധതികളുമായി ബന്ധപ്പെട്ട ഫയലുകള്‍ കസ്റ്റഡിയിലെടുത്തത്.
പി പി ദിവ്യ ജില്ലാ പഞ്ചായത്ത് പ്രസിഡന്റായിരിക്കെ കാർട്ടണ്‍ ഇന്ത്യ അലൈൻസ് പ്രൈവറ്റ് ലിമിറ്റഡ് കമ്പനിക്ക് 12 കോടിയിലധികം രൂപയുടെ കരാറുകള്‍ കിട്ടിയതിന് പിന്നില്‍ ക്രമക്കേട് നടന്നെന്ന പരാതിയിലാണ് വിജിലൻസ് നടപടി. അഞ്ച് ഫയലുകളാണ് വിജിലൻസ് കസ്റ്റഡിയിലെടുത്തത്.
മോഡുലാർ ടോയ്‌ലറ്റ് നിർമാണം, എബിസി കേന്ദ്രത്തിന്റെ നിർമാണ പ്രവൃത്തി തുടങ്ങിയവയുമായി ബന്ധപ്പെട്ട ഫയലുകളാണ് വിജിലൻസ് കസ്റ്റഡിയിലെടുത്തത്. ഇവ പരിശോധിച്ച ശേഷം അടുത്ത നടപടികളിലേക്ക് കടക്കാനാണ് വിജിലൻസ് നീക്കം. പൊതുമേഖലാ സ്ഥാപനമായ സില്‍ക്ക് വഴിയാണ് കാർട്ടണ്‍ ഇന്ത്യയ്‌ക്ക് കരാറുകള്‍ കിട്ടിയിരുന്നത്. അതിനാല്‍, സില്‍ക്കിലേക്കും അന്വേഷണം നീളുമെന്നാണ് സൂചന.
വിജിലൻസ് ഉത്തരമേഖലാ എസ്‌പിക്കാണ് അന്വേഷണ ചുമതല. പി പി ദിവ്യയുടെ ബിനാമി കമ്പനിയാണ് കാർട്ടണ്‍ ഇന്ത്യയെന്നും, കമ്പനിക്ക് വഴിവിട്ട കരാറുകള്‍ നല്‍കിയതിന് പിന്നില്‍ അഴിമതിയുണ്ടെന്നും കാട്ടി കെഎസ്‌യു സംസ്ഥാന വൈസ് പ്രസിഡന്റ് മുഹമ്മദ് ഷമ്മാസ് ആണ് കഴിഞ്ഞ സ‌ർക്കാരിന്റെ കാലത്ത് വിജിലൻസിന് പരാതി നല്‍കിയത്. എന്നാല്‍ ദിവ്യക്കെതിരായ അന്വേഷണത്തിന് സര്‍ക്കാര്‍ അനുമതി നല്‍കിയില്ല. യുഡിഎഫ് സര്‍ക്കാര്‍ വന്നതിന് പിന്നാലെയാണ് വിജിലന്‍സ് അന്വേഷണത്തിന് ഉത്തരവിട്ടത്.
