കോഴിക്കോട്: കോഴിക്കോട് മെഡിക്കല് കോളേജ് ആശുപത്രിയിലെ ഡോക്ടറെ മരിച്ച നിലയില് കണ്ടെത്തി. ബയോ കെമിസ്ട്രി വിഭാഗത്തിലെ അസിസ്റ്റന്റ് പ്രൊഫസർ ആയ നിഖില് ചന്ദ്രനെയാണ് ക്വാർട്ടേഴ്സിനുള്ളില് തൂങ്ങിമരിച്ച നിലയില് കണ്ടെത്തിയത്.
ഡോക്ടറെ ഫോണ് വിളിച്ചിട്ട് എടുക്കാതിരുന്നതിനെ തുടർന്ന് സുഹൃത്തുക്കള് പോയി നോക്കുമ്പോഴാണ് വിവരം അറിഞ്ഞത്. മൃതദേഹം മെഡിക്കല് കോളേജ് ആശുപത്രിയിലെ മോർച്ചറിയിലേക്ക് മാറ്റി.
കഴിഞ്ഞ മൂന്ന് വർഷമായി കോഴിക്കോട് മെഡിക്കല് കോളേജില് സേവനമനുഷ്ടിച്ച് വരികയായിരുന്നു ഡോക്ടർ. മലപ്പുറം സ്വദേശിയാണ്. എന്താണ് മരണ കാരണമെന്ന് വ്യക്തമല്ല.
