പട്ടാമ്പി: പന്നിയെ പിടികൂടാനായി കൃഷിയിടത്തിൽ സ്ഥാപിച്ച നിയമവിരുദ്ധ വൈദ്യുതി കെണിയിൽ നിന്ന് ഷോക്കേറ്റ് യുവാവിന് ദാരുണാന്ത്യം. തത്തനംപുള്ളി മുള്ളത്ത്പടി സ്വദേശി രവിപ്രസാദ് (30) ആണ് മരിച്ചത്.
കുലുക്കല്ലൂർ തത്തനംപുള്ളിയിലെ കൃഷിയിടത്തിലാണ് സംഭവം. ഇന്ന് രാവിലെ കൃഷിയിടത്തിന്റെ ഉടമ സ്ഥലത്തെത്തിയപ്പോഴാണ് രവിപ്രസാദിനെ മരിച്ചനിലയിൽ കണ്ടെത്തിയത്.
വിവരമറിഞ്ഞ് കൊപ്പം പൊലീസ് സ്ഥലത്തെത്തി അന്വേഷണം ആരംഭിച്ചു. സംഭവവുമായി ബന്ധപ്പെട്ട് കൃഷിയിടത്തിന്റെ ഉടമ മനോജിനെ പൊലീസ് കസ്റ്റഡിയിലെടുത്തു.
മനോജിനെതിരെ മനഃപൂർവമല്ലാത്ത നരഹത്യയ്ക്ക് കേസ് രജിസ്റ്റർ ചെയ്യുമെന്ന് കൊപ്പം പൊലീസ് അറിയിച്ചു. അനധികൃത വൈദ്യുതി കെണികൾ സ്ഥാപിക്കുന്നത് ഗുരുതരമായ അപകടങ്ങൾക്കും ജീവഹാനിക്കും ഇടയാക്കുന്ന സാഹചര്യത്തിൽ അന്വേഷണം ശക്തമാക്കിയിട്ടുണ്ട്.
