തിരുവഞ്ചൂർ: പ്രഭാത സവാരിയ്ക്കിറങ്ങിയപ്പോൾ കാറിടിച്ച് ഗുരുതരമായി പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. തിരുവഞ്ചൂർ സ്വദേശി അനിലിൻ്റെ ഭാര്യ ദീപ (50)യാണ് മരിച്ചത്. കഴിഞ്ഞ ആഗസ്റ്റ് 20ന് പുലർച്ചെയായിരുന്നു സംഭവം.
പ്രഭാത സവാരിയ്ക്ക് ഇറങ്ങിയ ദീപയെ പിന്നില് നിന്നും എത്തിയ കാർ ഇടിച്ച് വീഴ്ത്തുകയായിരുന്നു. ഇടിയുടെ ആഘാതത്തില് റോഡില് തലയിടിച്ചു വീണ ദീപയെ ഉടൻ തന്നെ നാട്ടുകാർ ചേർന്ന് കോട്ടയം മെഡിക്കല് കോളേജ് ആശുപത്രിയില് എത്തിച്ചു.
കഴിഞ്ഞ രണ്ടു ദിവസത്തോളമായി വെൻ്റിലേറ്ററില് ചികിത്സയിലായിരുന്നു. തുടർന്നാണ് ഇന്ന് രാവിലെയാണ് മരിച്ചത്. അപകടത്തിന് ശേഷം കാർ നിർത്താതെ പോകുകയായിരുന്നു. പ്രദേശവാസികളാണ് ദീപയെ ആശുപത്രിയിലെത്തിച്ചത്. സംഭവത്തില് മണർകാട് പൊലീസ് കേസെടുത്ത് അന്വേഷണം ആരംഭിച്ചു.
