തിരുവനന്തപുരം: ഇന്ത്യൻ ബഹിരാകാശ ഗവേഷണ സംഘടനയായ ISROയിൽ എഞ്ചിനീയറിങ് ബിരുദധാരികൾക്ക് വൻ തൊഴിൽ അവസരം.
സയന്റിസ്റ്റ്/എഞ്ചിനീയർ തസ്തികയിലേക്കാണ് പുതിയ നിയമന വിജ്ഞാപനം പുറത്തിറക്കിയത്. ഇലക്ട്രോണിക്സ്, മെക്കാനിക്കൽ, കമ്പ്യൂട്ടർ സയൻസ് വിഭാഗങ്ങളിലായി വിവിധ ഐഎസ്ആർഒ കേന്ദ്രങ്ങളിലും ഫിസിക്കൽ റിസർച്ച് ലബോറട്ടറിയിലുമായി ആകെ 176 ഒഴിവുകളാണുള്ളത്. Engineering& Technology
തസ്തികയും ഒഴിവുകളും
ഐഎസ്ആർഒ കേന്ദ്രങ്ങളിലായി ഇലക്ട്രോണിക്സ്, മെക്കാനിക്കൽ, കമ്പ്യൂട്ടർ സയൻസ് എന്നിവയിലാണ് ഒഴിവുകളാണുള്ളത്. കൂടാതെ ഫിസിക്കൽ റിസർച്ച് ലബോറട്ടറിയിൽ ഈ മൂന്ന് വിഭാഗങ്ങളിലും ഓരോ ഒഴിവ് വീതവുമുണ്ട്.
വിജ്ഞാപനം ചെയ്ത ഒഴിവുകൾ താൽക്കാലികമാണെന്നും ആവശ്യാനുസരണം ഒഴിവുകളുടെ എണ്ണം കൂട്ടുകയോ കുറയ്ക്കുകയോ ചെയ്യാമെന്നും ഐഎസ്ആർഒ വ്യക്തമാക്കിയിട്ടുണ്ട്.
വിദ്യാഭ്യാസ യോഗ്യത
ബന്ധപ്പെട്ട വിഷയത്തിൽ BE/BTech അല്ലെങ്കിൽ തത്തുല്യ ബിരുദം നേടിയവർക്ക് അപേക്ഷിക്കാം. ഇലക്ട്രോണിക്സ് തസ്തികയ്ക്ക് ഇലക്ട്രോണിക്സ് ആൻഡ് കമ്മ്യൂണിക്കേഷൻ എഞ്ചിനീയറിങ്, മെക്കാനിക്കൽ തസ്തികയ്ക്ക് മെക്കാനിക്കൽ എഞ്ചിനീയറിങ്, കമ്പ്യൂട്ടർ സയൻസ് തസ്തികയ്ക്ക് കമ്പ്യൂട്ടർ സയൻസ് എഞ്ചിനീയറിങ് എന്നിവയാണ് പ്രധാന യോഗ്യതകൾ.
2026 സെപ്റ്റംബർ 16ന് 28 വയസ്സ് കവിയരുത്. കേന്ദ്രസർക്കാർ ജീവനക്കാർ, വിമുക്തഭടന്മാർ, ഭിന്നശേഷിക്കാർ തുടങ്ങിയ വിഭാഗങ്ങൾക്ക് നിലവിലുള്ള സർക്കാർ ചട്ടങ്ങൾ പ്രകാരം പ്രായപരിധിയിൽ ഇളവ് ലഭിക്കും. ഇന്ത്യൻ പൗരന്മാർക്ക് മാത്രമാണ് അപേക്ഷിക്കാനുള്ള അർഹത.
ശമ്പളം
അടിസ്ഥാന ശമ്പളം 56,100 രൂപ മുതൽ ആരംഭിക്കും. ഇതിന് പുറമെ കേന്ദ്രസർക്കാർ ജീവനക്കാർക്ക് ബാധകമായ മറ്റ് ആനുകൂല്യങ്ങളും ലഭിക്കും.
തിരഞ്ഞെടുപ്പ് രീതി
എഴുത്തുപരീക്ഷയും അഭിമുഖവുമാണ് പ്രധാന തിരഞ്ഞെടുപ്പ് ഘട്ടങ്ങൾ. സാങ്കേതിക അറിവും വിഷയപരമായ കഴിവുകളും വിലയിരുത്തുന്നതിന് പരീക്ഷ നടത്തും. തുടർന്ന് യോഗ്യരായ ഉദ്യോഗാർത്ഥികളെ അഭിമുഖത്തിലേക്ക് പരിഗണിക്കും.
അപേക്ഷാ ഫീസ്
അപേക്ഷാ ഫീസ് 250 രൂപയാണ്. ഇതിന് പുറമെ എല്ലാ ഉദ്യോഗാർത്ഥികളും 750 രൂപ പ്രോസസ്സിങ് ഫീസായി ആദ്യം അടയ്ക്കണം. ഭാരത്കോശ് ഇ-പേയ്മെന്റ് സംവിധാനം വഴി ഓൺലൈനായി ഫീസ് അടയ്ക്കാം. ഇന്റർനെറ്റ് ബാങ്കിങ്, UPI, ആഭ്യന്തര ഡെബിറ്റ് കാർഡ് എന്നിവയാണ് പ്രധാന പേയ്മെന്റ് മാർഗങ്ങൾ.
അപേക്ഷിക്കേണ്ട വിധം
ISROയുടെ ഔദ്യോഗിക റിക്രൂട്ട്മെന്റ് പോർട്ടൽ വഴിയാണ് അപേക്ഷ സമർപ്പിക്കേണ്ടത്. 2026 ഓഗസ്റ്റ് 27ന് ആരംഭിച്ച അപേക്ഷാ നടപടികൾ സെപ്റ്റംബർ 16ന് രാത്രി 11.55ന് അവസാനിക്കും. അവസാന തീയതിക്ക് മുമ്പ് അപേക്ഷയും ഫീസ് അടയ്ക്കലും പൂർത്തിയാക്കണം.
വെബ്സൈറ്റ്: https://www.isro.gov.in/Careers.html
