ആലുവ: കോഴിക്കോട് നടന്ന സംസ്ഥാന പൊലീസ് മീറ്റില് പഞ്ചഗുസ്തി മത്സരത്തില് നാല് സ്വര്ണം നേടി എറണാകുളം റൂറല് ജില്ല.
80 കിലോ വിഭാഗത്തില് ഡിഎച്ച് ക്യുവിലെ സിവില് പൊലീസ് ഓഫീസർ എഎൻ സനീഷ്, 70 കിലോ വിഭാഗത്തില് ഡിഎച്ച് ക്യുവിലെ സിവില് പൊലീസ് ഓഫീസർ വിഷ്ണു മോഹനൻ, 75 കിലോ വിഭാഗത്തില് ഡിഎച്ച് ക്യുവിലെ സിവില് പൊലീസ് ഓഫീസർ നിതിൻ ആൻ്റണി, 60 കിലോ വിഭാഗത്തില് കോടനാട് സ്റ്റേഷനിലെ സീനിയർ സിവില് പൊലീസ് ഓഫീസർ കെഎസ് വൈശാഖ് എന്നിവരാണ് മെഡല് നേടിയത്.
സനീഷ് ദേശീയ മീറ്റില് രണ്ട് സ്വർണവും, രണ്ട് വെള്ളിയും നേടിയിട്ടുണ്ട്. വിഷ്ണു നാല് വർഷമായി സംസ്ഥാന തലത്തില് സ്വർണ മെഡല് ജേതാവാണ്. ദേശീയ തലത്തില് വെങ്കല മെഡല് കരസ്ഥമാക്കിയിട്ടുണ്ട്. നിതിൻ ദേശീയ തലത്തില് രണ്ട് സ്വർണ മെഡലും ഒരു വെള്ളി മെഡലും നേടിയിട്ടുണ്ട്. വൈശാഖ് ദേശീയ തലത്തില് ഒരു വെള്ളി മെഡലും, ഒരു വെങ്കല മെഡലും ലോക മാസ്റ്റേഴ്സ് മീറ്റില് സ്വർണ മെഡലും നേടി.
മെഡല് ജേതാക്കളെ ജില്ലാ പൊലീസ് മേധാവി കെഎസ് സുദർശൻ അഭിനന്ദിച്ചു.
