കണ്ണൂർ : അർജുൻ ആയങ്കിയുമായി സി.പി.എമ്മിന് യാതൊരു ബന്ധവുമില്ലെന്ന് ഇ.പി. ജയരാജൻ. സോഷ്യല് മീഡിയയില് ഇയാളെ പിന്തുണയ്ക്കുന്നവർ പാർട്ടിക്കാരാകാൻ സാധ്യതയില്ലെന്നും ജയരാജൻ കൂട്ടിച്ചേർത്തു.
അർജുൻ ആയങ്കിയാണോ പാർട്ടി? അവൻ പാർട്ടിയല്ല എന്ന് എല്ലാവർക്കും അറിയാവുന്നതാണ്. നാളെ നിങ്ങള് വന്ന് ഞാനാണ് പാർട്ടി എന്ന് പറഞ്ഞാല് എന്ത് ചെയ്യും? അങ്ങനെ കണക്കാക്കിയാല് മതി,' എന്ന് ജയരാജൻ വ്യക്തമാക്കി.
അർജുൻ ആയങ്കിയുടെ അറസ്റ്റ് മാധ്യമങ്ങള് അസാമാന്യ സംഭവമായി ചിത്രീകരിക്കുകയാണ്. കേരള പൊലീസ് ശക്തമായ സേനയാണ്. ഇപ്പോള് മാറിയോ എന്നറിയില്ലെന്നും മാധ്യമങ്ങളോട് സംസാരിക്കവെ അദ്ദേഹം പറഞ്ഞു
സോഷ്യല് മീഡിയയിലെ സ്വീകാര്യതയ്ക്ക് പിന്നില് കൃത്യമായ പദ്ധതികളും നെറ്റ്വർക്കുകളുമുണ്ട്. ലൈക്കുകള്ക്കും ലക്ഷക്കണക്കിന് കണക്കുകള്ക്കും പിന്നില് പ്ലാൻ വർക്ക് നടക്കുന്നുണ്ട്. എന്നാല് അതൊന്നും യഥാർത്ഥ പിന്തുണയല്ലെന്നും അദ്ദേഹം പറഞ്ഞു.
