ന്യൂഡൽഹി : ബില്ലുകള് അവതരിപ്പിക്കാന് ലോക്സഭയില് ഇന്നും എത്താതെ അമിത് ഷാ. പകരം സഹമന്ത്രിമാരാണ് ബില്ലുകള് അവതരിപ്പിച്ചത്. ഇതോടെ പ്രതിപക്ഷ പ്രതിഷേധത്തില് പാര്ലമെന്റ് ഇന്നും പ്രക്ഷുബ്ധമായി. അമിത് ഷാ സഭയില് എത്താത്തതില് പ്രതിപക്ഷം ബഹളം വെച്ചതോടെ ലോക്സഭയും രാജ്യസഭയും രണ്ട് മണി വരെ നിര്ത്തി വച്ചു.
പാര്ലമെന്റ് വര്ഷകാല സമ്മേളനത്തിന്റെ അവസാന വാരവും പ്രതിപക്ഷ പ്രതിഷേധത്തില് സഭ നടപടികള് തടസപ്പെടുന്ന കാഴ്ചയാണ് കണ്ടത്. അമിത് ഷാ യുടെ പേരില് രണ്ട് ബില്ലുകളായിരുന്നു ലിസ്റ്റ് ചെയ്തത്. എന്നാല്, കേരളത്തിന്റെ പേരു മാറ്റുന്ന ബില്ല് സഹമന്ത്രി നിത്യാനന്ദ റായും സഹകരണ ഭേദഗതി ബില് മുരളീധര് മഹോലും അവതരിപ്പിക്കുകയായിരുന്നു.
പ്രതിഷേധം ശക്തമായതോടെ ലോക്സഭയും രാജ്യസഭയും രണ്ട് മണി വരെ നിര്ത്തി വച്ചു. അതിനിടെ അമിത് ഷാ സഭയില് വിശദീകരണം നടത്താന് ഇടപെടണമെന്ന് ആവശ്യപെട്ട് കെസി വേണുഗോപാല് ലോക്സഭാ സ്പീക്കര്ക്ക് കത്ത് നല്കി.
