തിരുവനന്തപുരത്ത് ഓടിക്കൊണ്ടിരുന്ന കാറിന് തീപിടിച്ചു;പുക ഉയരുന്നത് കണ്ട് ഡ്രൈവർ വാഹനം ഒതുക്കിയതിനാൽ വൻദുരനന്തം ഒഴിവായി

തിരുവനന്തപുരം: തലസ്ഥാന നഗരത്തിൽ വീണ്ടും ഓടിക്കൊണ്ടിരുന്ന കാറിന് തീപിടിച്ചു.

ഡ്രൈവറുടെ സമയോചിതമായ ഇടപെടലിൽ വൻദുരനന്തം ഒഴിവായി. ഇന്ന് വൈകിട്ട് ഏഴ് മണിക്ക് ശേഷമായിരുന്നു സംഭവം. കഴക്കൂട്ടം -കാരോട് ബൈപ്പാസിൽ ഈഞ്ചയ്ക്കൽ ജങ്ഷന് സമീപമായിരുന്നു വാഹനത്തിൽ തീപിടിച്ചത്.

കോട്ടയ്ക്കകം ഭാഗത്ത് നിന്നും ആറ്റിങ്ങലേക്ക് പോകുകയായിരുന്ന മഹീന്ദ്ര കാറിനാണ് തീപിടിച്ചതെന്ന് ഫയർഫോഴ്സ് പറഞ്ഞു.

ആദ്യം പുക ഉയരുന്നത് കണ്ട് ഡ്രൈവർ വാഹനം വശത്ത് ചേർത്ത് ഒതുക്കിയതിനാൽ വലിയ ദുരന്തമാണ് ഒഴിവായത്.