കോട്ടയം:കുമാരനെല്ലൂരിൽ നിന്നും പിക്കപ്പ് വാഹനം മോഷ്ടിച്ച് കടന്ന് കളഞ്ഞ യുവാവ് പിടിയിൽ.
കോഴിക്കോട് സ്വദേശിയായ മുഹമ്മദ് ആണ് ഗാന്ധിനഗർ പോലീസിന്റെ പിടിയിലായത്.
മോഷ്ടിച്ച പിക്കപ്പ് വാഹനം വീണ്ടെടുത്ത് കോട്ടയം ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി - II മുമ്പാകെ ഹാജരാക്കി.
പ്രതിയെ കോടതി മുമ്പാകെ ഹാജരാക്കി. ജുഡീഷ്യൽ കസ്റ്റഡിയിൽ എറണാകുളം കാക്കനാട് ബോർസ്റ്റൾ സ്കൂളിൽ പാർപ്പിച്ചിട്ടുള്ളതാണ്.
ഗാന്ധിനഗർ എസ്.എച്ച്.ഒ ജേർലിൻ വി സ്കറിയയുടെ നേതൃത്വത്തിൽ ഗാന്ധിനഗർ എസ്.ഐ ജയപ്രകാശ് എൻ, എസ് ഐ ശരണ്യ , എസ്.സി.പി.ഒ രഞ്ജിത്ത് , സി.പി.ഒമാരായ
സുനു ഗോപി, അനൂപ് പി.ടി, എസ്.സി.പി.ഒ സജിത്ത് എസ് എന്നിവർ ചേർന്നാണ് പ്രതിയെ പിടികൂടിയത്.
