തിരുവനന്തപുരം: സംസ്ഥാനത്തെ സര്ക്കാര് ഓഫീസുകളിലെ പരമ്പരാഗത രീതികള്ക്ക് കടിഞ്ഞാണിട്ട് ട്രെന്ഡ് മാറ്റാന് പുതിയ നിര്ദ്ദേശവുമായി സര്ക്കാര്.
സര്ക്കാര് ഓഫീസുകളിലെ ഔദ്യോഗിക കത്തിടപാടുകള്ക്കും രേഖകള്ക്കും ഇനി മുതല് നീല, കറുപ്പ് നിറങ്ങളിലുള്ള മഷികള് മാത്രമേ ഉപയോഗിക്കാന് പാടുള്ളൂ എന്ന് വ്യക്തമാക്കി ഉത്തരവിറങ്ങി. ചീഫ് സെക്രട്ടറി ബിശ്വനാഥ് സിന്ഹ പുറത്തിറക്കിയ പുതിയ നിര്ദ്ദേശപ്രകാരം ഔദ്യോഗിക രേഖകളില് നിന്ന് ചുവപ്പ് ഉള്പ്പെടെയുള്ള മറ്റ് നിറങ്ങള് പൂര്ണ്ണമായും ഒഴിവാക്കിയിട്ടുണ്ട്.
ഭാവിയില് അച്ചടിക്കുന്ന സര്ക്കാര് ലെറ്റര് ഹെഡുകള്, ഔദ്യോഗിക ഫോമുകള്, ബുക്ക്ലെറ്റുകള്, വിജ്ഞാപനങ്ങള് എന്നിവയിലെല്ലാം ഈ ഏകീകൃത നിറങ്ങള് മാത്രമേ പാടുള്ളൂ എന്നാണ് നിര്ദ്ദേശം. എന്നാല് നിലവില് ഓഫീസുകളില് അച്ചടിച്ചു വെച്ചിട്ടുള്ള ഫോമുകളും ലെറ്റര് പാഡുകളും തീരുന്നത് വരെ ഉപയോഗിക്കാന് തടസ്സമില്ല. ഔദ്യോഗിക അച്ചടി വസ്തുക്കളില് ഇപ്പോഴും പലതരം നിറങ്ങള് മാറിയും മറിഞ്ഞും ഉപയോഗിക്കുന്നത് ശ്രദ്ധയില്പ്പെട്ടതിനെ തുടര്ന്നാണ് ഈ കര്ശന നടപടി.
അതേസമയം, സര്ക്കാരിന്റെ ഈ പുതിയ 'കളര് കോഡ്' സാധാരണക്കാരെ ബാധിക്കില്ല എന്നതും ശ്രദ്ധേയമാണ്. പൊതുജനങ്ങള് നല്കുന്ന അപേക്ഷകള്ക്കും നിവേദനങ്ങള്ക്കും ഈ നിബന്ധന ബാധകമല്ല. സാധാരണയായി നീലയോ കറുപ്പോ മഷി ഉപയോഗിച്ചാണ് പൊതുജനം അപേക്ഷകള് തയ്യാറാക്കാറുള്ളതെങ്കിലും, ഗസറ്റഡ് ഓഫീസര്മാര് ഉപയോഗിക്കുന്ന ചുവപ്പോ പച്ചയോ മഷി സാധാരണക്കാര്ക്ക് ഉപയോഗിക്കാന് പാടില്ലെന്ന ധാരണ തെറ്റാണെന്ന് വിവരാവകാശ രേഖകള് വ്യക്തമാക്കുന്നു.
ചുവപ്പ്, പച്ച അടക്കം ഏത് നിറത്തിലുള്ള മഷിയും പൊതുജനങ്ങള്ക്ക് അപേക്ഷകള് തയ്യാറാക്കാന് ഉപയോഗിക്കാം. എന്നാല് രേഖകള് തടസ്സമില്ലാതെ വായിക്കാന് കഴിയുന്ന വിധം വ്യക്തതയുള്ളതും മാഞ്ഞുപോകാത്തതുമായ മഷിയായിരിക്കണം എന്ന നിബന്ധന മാത്രമാണുള്ളത്. ഏതെങ്കിലും പ്രത്യേക മഷി ഉപയോഗിച്ചില്ലെന്ന് ചൂണ്ടിക്കാട്ടി ഉദ്യോഗസ്ഥര് സാധാരണക്കാരുടെ അപേക്ഷകള് നിരസിക്കാന് പാടില്ലെന്നും ഉത്തരവില് വ്യക്തമായി പറയ
