സ്വന്തം ലേഖകൻ
‘ഒരു കുട്ടനാടൻ ബ്ലോഗ്’ എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച സേതു ആസിഫ് അലിയെ നായകനാക്കി ഒരുക്കുന്ന ചിത്രമാണ് മഹേഷും മാരുതിയും.
വിഎസ്എൽ ഫിലിം ഹൗസുമായി സഹകരിച്ച് മുതിർന്ന നടൻ മണിയൻപിള്ള രാജുവാണ് ചിത്രം നിർമ്മിക്കുന്നത്.
നായികയായി ആദ്യം കല്യാണി പ്രിയദർശനെ തിരഞ്ഞെടുത്തിരുന്നുവെങ്കിലും തീയതിയിലെ തർക്കം കാരണം നിർമ്മാതാക്കൾ താരത്തെ ഒഴിവാക്കുകയായിരുന്നു.
Whatsapp Group 1 | Whatsapp Group 2 |Telegram Group
‘ജവാൻ ഓഫ് വെള്ളിമല’, ‘കഥ തുടരുന്നു’ എന്നീ ചിത്രങ്ങൾക്ക് ശേഷം ആസിഫും മംമ്തയും ഒന്നിച്ചഭിനയിക്കുന്ന ചിത്രമാണ് മഹേഷും മാരുതിയും.
മഹേഷ് എന്ന ചെറുപ്പക്കാരനും ഒരു പെൺകുട്ടിയും അവന്റെ മാരുതി കാറും തമ്മിലുള്ള ത്രികോണ പ്രണയകഥയാണ് ‘മഹേഷും മാരുതിയും’എന്ന സിനിമയിലൂടെ പറയാൻ ശ്രമിക്കുന്നത്.
വാഹനത്തോടുള്ള മഹേഷിന്റെ വൈകാരിക അടുപ്പവും ഒരു പെൺകുട്ടി അവന്റെ ജീവിതത്തിലേക്ക് പ്രവേശിച്ചതിന് ശേഷം ഉണ്ടാകുന്ന സംഭവങ്ങളുമാണ് കഥയുടെ ഇതിവൃത്തം. മണിയൻപിള്ള രാജു, രചന നാരായണക്കുട്ടി, പ്രേംകുമാർ എന്നിവരും ചിത്രത്തിലുണ്ട്.
