മകളുടെ പ്രണയ വിവാഹത്തിന് കൂട്ടുനിന്നു; വൈദികന് നേരെ പിതാവിന്റെ ആക്രമണം

സ്വന്തം ലേഖിക

തൃശൂര്‍: കുന്നംകുളത്ത് വൈദികന് നേരെ ആക്രമണം.

കുന്നംകുളം ആര്‍ത്താറ്റ് മാര്‍ത്തോമ്മ പള്ളി വികാരി ഫാ.ജോബിയ്ക്ക് നേരെയാണ് ആക്രമണം ഉണ്ടായത്. രാവിലെ പള്ളിയില്‍ നിന്നു കുര്‍ബാന കഴി‍ഞ്ഞ് വീട്ടിലെത്തിയ വൈദികനെ കാണിയാമ്പല്‍ സ്വദേശി വില്‍ത്സണ്‍ ആക്രമിക്കുകയായിരുന്നു.

മകളുടെ പ്രണയ വിവാഹത്തിന് കൂട്ടുനിന്നെന്ന് ആരോപിച്ചാണ് മര്‍ദ്ദിച്ചത്. പരിക്കേറ്റ ഫാ. ജോബിയെ ആശുപത്രിയില്‍ പ്രവേശിപ്പിച്ചു.