സ്വന്തം ലേഖകൻ
കൊച്ചി: സാമൂഹികാഘാത പഠനം താല്കാലികമായി നിര്ത്തി.
എറണാകുളം, ആലപുഴ ,പത്തനംതിട്ട ജില്ലകളില് പഠനം നടത്തുന്ന രാജഗിരി കോളേജ് ഓഫ് സോഷ്യല് സയന്സിന്റേതാണ് തീരുമാനം. ഇക്കാര്യം റവന്യൂ വകുപ്പിനെ അറിയിച്ചു.
Whatsapp Group 1 | Whatsapp Group 2 |Telegram Group
സര്ക്കാരിന്റെ തീരുമാനം അറിഞ്ഞ ശേഷം തുടര് നടപടി സ്വീകരിക്കാനാണ് തീരുമാനം. ജനങ്ങളുടെ നിസഹരണം തുടരുന്നതിനാല് പഠനം മുന്നോട്ടു കൊണ്ടുപോകാനാകുന്നില്ലെന്നാണ് രാജഗിരി കോളേജ് ഓഫ് സോഷ്യല് സയന്സ് പറയുന്നു.
പദ്ധതി മേഖലയിലെ താമസക്കാരില് നിന്ന് ചോദ്യാവലി പ്രകാരം വിവരങ്ങള് തേടേണ്ടതുണ്ട്. അവരുടെ ആശങ്കകള് കേള്ക്കണം. എന്നാല് ജനങ്ങളുടെ എതിര്പ്പ് തുടരുന്നതിനാല് നിലവില് പഠനം അപ്രായോഗികമാണ്.
രാജഗിരിയുടെ പഠന സംഘത്തെ ഇന്നലെ എറണാകുളത്ത് തടഞ്ഞിരുന്നു. ഈ സാഹചര്യത്തിലാണ് പഠനം നടത്തുന്നതിലെ ബുദ്ധിമുട്ട് എറണാകുളം ജില്ലാ കളക്ടര് മുഖേന സര്ക്കാരിനെ അറിയിച്ചത്.
