കോട്ടയം ഡിസിസി ഓഫിസ് ആക്രമിച്ച സംഭവം; നഗരത്തിൽ കോൺഗ്രസ് പ്രകടനവും പ്രതിഷേധ യോഗവും നടത്തി

സ്വന്തം ലേഖിക

കോട്ടയം: ഡിസിസി ഓഫിസിന് നേരെ ഇന്നലെ രാത്രിയുണ്ടായ അക്രമത്തിൽ പ്രതിഷേധിച്ച് കോട്ടയം നഗരത്തിൽ ജില്ലാ കമ്മിറ്റി പ്രതിഷേധ പ്രകടനം നടത്തി.

ഇന്നലെ അർദ്ധരാത്രിയാണ് ഡി വൈ എഫ് ഐ പ്രവർത്തകർ ജില്ലാ കോൺഗ്രസ് കമ്മിറ്റി ഓഫിസ് എറിഞ്ഞ് തകർത്തത്.

ഡിസിസി ഓഫിസ് ജംഗ്ഷനിൽ നിന്നും ആരംഭിച്ച പ്രകടനം പുളിമൂട് ജംഗ്ഷൻ വഴി ഗാന്ധി സ്ക്വയറിൽ സമാപിച്ചു.
തുടർന്ന് ഗാന്ധി സ്ക്വയറിൽ പ്രതിഷേധ യോഗവും തിരുവഞ്ചൂർ രാധാകൃഷ്ണൻ എം.എൽ.എ ഉദ്ഘാടനം ചെയ്തു.

യു.ഡി.എഫ് ജില്ലാ കൺവീനർ ജോസി സെബാസ്റ്റ്യൻ , നഗരസഭാ കൗൺസിലർ എം.പി സന്തോഷ്കുമാർ , എസ്.ഗോപകുമാർ , യൂത്ത് കോൺഗ്രസ് ജില്ലാ പ്രസിഡന്റ് ചിന്തു കുര്യൻ, ജെയ്ജി പാലക്കലോടി തുടങ്ങിയവർ പ്രസംഗിച്ചു.