സ്വന്തം ലേഖിക
കൊച്ചി: കിഴക്കമ്പലത്ത് കിറ്റെക്സ് കമ്പനിയിലെ തൊഴിലാളികള് പൊലീസിനെ ആക്രമിച്ച് വാഹനം കത്തിച്ച സംഭവത്തില് രണ്ട് കേസുകളിലായി കുറ്റപത്രം സമര്പ്പിച്ചു.
ഉദ്യോഗസ്ഥരെ അപായപ്പെടുത്താന് ശ്രമിച്ച കേസിലും പൊലീസ് വാഹനം തകര്ത്ത് അഗ്നിക്കിരയാക്കിയ കേസിലും വ്യത്യസ്ത കുറ്റപത്രങ്ങളാണ് സമര്പ്പിച്ചത്.
Whatsapp Group 1 | Whatsapp Group 2 |Telegram Group
പൊലീസുകാരെ ആക്രമിച്ച കേസില് 51 പേരെയാണ് പ്രതി പട്ടികയില് ഉള്പ്പെടുത്തിയിരിക്കുന്നത്. വാഹനം കത്തിച്ച കേസില് 175 പേര്ക്കെതിരേയാണ് കുറ്റപത്രം.
പ്രതികളെല്ലാം കിറ്റെക്സ് കമ്പനിയിലെ തൊഴിലാളികളാണ്.
കഴിഞ്ഞ ഡിസംബര് 25ന് രാത്രിയാണ് കിഴക്കമ്പലത്ത് കിറ്റെക്സ് കമ്പനി തൊഴിലാളികള് താമസിക്കുന്ന ക്വാര്ട്ടേഴ്സില് സംഘര്ഷം അരങ്ങേറിയത്.
പിന്നാലെ സ്ഥലത്തെത്തിയ പോലീസിനെ തൊഴിലാളികള് സംഘം ചേര്ന്ന് ആക്രമിക്കുകയായിരുന്നു. പോലീസ് വാഹനം അടിച്ചുതകര്ത്ത ശേഷം അക്രമികള് തീയിട്ടു. പിന്നീട് കൂടുതല് പോലീസ് എത്തിയതാണ് അക്രമികളെ അറസ്റ്റ് ചെയ്തത്.
