ശരീരഭാരം കുറയ്ക്കാന്‍ കീറ്റോ ഡയറ്റ് എടുക്കുന്നവരാണോ നിങ്ങൾ; കടുത്ത പ്രമേഹ രോഗമുള്ളവരും യൂറിക് ആസിഡ് പ്രശ്നങ്ങള്‍ ഉള്ളവരും ഇക്കാര്യങ്ങള്‍ ശ്രദ്ധിക്കുക….!
സ്വന്തം ലേഖിക
കോട്ടയം: ശരീരഭാരം കുറയ്ക്കാന്‍ കീറ്റോ ഡയറ്റ് സ്വീകരിക്കുന്നവര്‍ ഇന്ന് ധാരാളമുണ്ട്.
അന്നജം വളരെ കുറച്ച്‌ എഴുപത് ശതമാനം കൊഴുപ്പും 25 ശതമാനം പ്രോട്ടീനും അഞ്ചു മുതല്‍ പത്ത് ശതമാനം വരെ കാര്‍ബോഹൈഡ്രേറ്റും ഉള്‍ക്കൊള്ളുന്നതാണ് കീറ്റോ ഡയറ്റ്.
Whatsapp Group 1 | Whatsapp Group 2 |Telegram Group
എന്നാൽ ഈ ഡയറ്റ് തിരഞ്ഞെടുക്കും മുന്‍പ് വിദഗ്ധാഭിപ്രായം തേടേണ്ടത് അത്യാവശ്യമാണ്. ഈ ഡയറ്റ് എല്ലാവര്‍ക്കും അനുയോജ്യമല്ല.
കടുത്ത പ്രമേഹ രോഗമുള്ളവര്‍ക്കും യൂറിക് ആസിഡ് പ്രശ്നങ്ങള്‍ ഉള്ളവര്‍ക്കും കീറ്റോ ഡയറ്റ് പ്രശ്നമാകാറുണ്ട്. അമിതവണ്ണം കുറയ്ക്കാന്‍ കീറ്റോ സഹായകമാണ്. എന്നാൽ അധികനാള്‍ ഈ ഡയറ്റ് തുടര്‍ന്നാല്‍ പോഷക അഭാവം ഉണ്ടാവാം.
കൊഴുപ്പിൻ്റെ തുടര്‍ച്ചയായ ഉപയോഗം ട്രൈഗ്ലിസറൈഡുകള്‍ വര്‍ദ്ധിപ്പിക്കാം. വൃക്കകള്‍ക്ക് സമ്മര്‍ദ്ദത്തിനും സാദ്ധ്യതയുണ്ട്.
അതിനാല്‍ അമിതവണ്ണം നിയന്ത്രിച്ചശേഷം ഒരു ന്യൂട്രീഷ്യനെ കണ്ട് യോജിച്ച മറ്റൊന്ന് തിരഞ്ഞെടുക്കുക. കീറ്റോ ഡയറ്റ് എടുക്കുമ്പോള്‍ ധാരാളം വെള്ളം കുടിക്കണം.
